08/05/2026
ශ්රී ලංකන් ගුවන් සේවයේ හිටපු ප්රධාන විධායක නිලධාරී කපිල චන්ද්රසේන අභිරහස් ලෙස මියයයි!
ශ්රී ලංකන් ගුවන් සේවයේ (SriLankan Airlines) හිටපු ප්රධාන විධායක නිලධාරී කපිල චන්ද්රසේන මහතා කොල්ලුපිටියේ පිහිටි ඔහුගේ නිවසේදී අද (මැයි 08) මියගොස් සිටියදී සොයාගෙන තිබේ.
මහත් ආන්දෝලනයකට තුඩු දුන් එයාර්බස් (Airbus) ගනුදෙනුව සම්බන්ධයෙන් චෝදනා ලබා සිටි ඒ මහතා, අධිකරණය මගින් පනවා තිබූ ඇප කොන්දේසි උල්ලංඝනය කිරීම හේතුවෙන් යළි අත්අඩංගුවට ගන්නා ලෙස කොළඹ ප්රධාන මහේස්ත්රාත්වරයා ඊයේ (07) වරෙන්තු නිකුත් කර තිබුණි.
පොලිසිය සැක කරන්නේ මෙය දිවි නසා ගැනීමක් විය හැකි බවයි. කෙසේ වෙතත්, කොල්ලුපිටිය පොලිසිය මේ පිළිබඳව වැඩිදුර විමර්ශන ආරම්භ කර ඇති අතර පශ්චාත් මරණ පරීක්ෂණයෙන් පසු මරණයට නිශ්චිත හේතුව අනාවරණය වනු ඇත.
මෙම අකල් මරණය මෙරට ගුවන් ක්ෂේත්රයේ මෙන්ම දේශපාලන කරළියේද දැඩි කතාබහක් ඇති කිරීමට සමත්ව තිබේ.
