14/10/2025
Supipi Flora Event Planner අපිත් එක්ක එකතු වෙලා ඉන්න ඔයාලට අපි අද අරගෙන එන්නේ Wedding එක Traditional විදියට කරන්න ආසාවෙන් ඉන්න ඔයාලට නැතුවම බැරි, ඒ වගේම ඔයාගේ මංගල උත්සවයට වැඩි වටිනාකමක් සහ සුවිශේෂී ලස්සනක් එකතු කරන අංගයක් පිළිබඳව පුංචි විස්තරයක් .........
ඒ තමයි සශ්රීක මේසය එහෙමත් නැත්නම් සෞභාග්යය මේසය.....
මුලින්න අපි බලමු මේ සශ්රීක මේසය කියන්නේ කුමක්ද, මෙහි අන්තර්ගතය කොහොමද කියලා.
සාමාන්යයෙන් අපි හැමෝම දන්නවා ශ්රී ලාංකිකයන් විදියට අපේ ජීවිතේ සෑම සුභ කටයුත්තකදීම කිරිබත් වලට හිමිවෙන්නේ සුවිශේෂී ස්ථානයක්. මෙහි සුදු වර්ණය සහ කිරි නිසාම අපි කිරිබත් සශ්රීකත්වයේ සංකේතයක් විදියට සලකනවා. මෙන්න මේ කිරිබත් කැපීම මූලික කරගෙන තමයි සශ්රීක මේසය කියන අංගය මංගල උත්සවයට ඇතුලත් වෙන්නේ.
ඒ වගේම සශ්රීකත්වය, බත බුලතින් පිරි සාරවත්බව පිලිබිගු කරන බොහෝ දෑ මේ සදහා යොදා ගන්නවා. සෞභාග්යය කියන වචනය විවාහයකදිනම් අපිට අනිවාර්යයෙන් ඇහෙන වචනයක්. ඒ වචනය තුල වාසනාව, වාසනාවන්ත බැදීම්, සුබපැතුම්, සිරිසෙත පිරි ජීවිතයක් වගේ බොහෝ කරුණු ගැබ් වෙලා තියෙනවා.
අපි බලමු සාමාන්යයෙන් සශ්රීක මේසයක ඇතුලත් විය යුතු දේවල් මොනවාද කියලා...
1. කිරිබත් (කැමති හැඩයකට සකසා ගත හැකි අතර මෙය තැබීමට කුල්ලක්, වට්ටියක් හෝ මැටි පිගානක් භාවිතා කරන්නේනම් අලංකාරවත් පෙනුමක් ලබා ගත හැක)
2. ධාන්ය වර්ග 05 (විවිධ වර්ණයන්ගෙන් උදා-: මුං ඇට, රතු කවුපි, සුදු කවුපි, පරිප්පු, සුදු හාල් හා රතු හාල්)
3. කැවිලි වර්ග 05
(ආස්මී, කොන්ඩ කැවුම්, මුං කැවුම්, කොකිස්, අලුවා වැනි විවිධ වර්ණයන්ගෙන්)
4. පළතුරු
(කෙසෙල්, අන්නාසි, පේර, දොඩම්, මිදි, ඇපල් වැනි පෙනුමැත් පළතුරු වර්ග)
5. එලවළු (විවිධ වර්ණයන්ගෙන් තෝරා ගන්න)
6. පොල් මලක්. (මෙය රඳවා තැබීමට කුඩා මැටි කලයක් හෝ ලෝහමය බදුනක් භාවිතා කල හැක)
7. කිරි හට්ටියක් සහ පැණි බෝතලයක්. (නැවුම් කිරි බෝතලයක් වුවද භාවිතා කල හැකිය)
8. තැඹිලි පොකුරක් හෝ ගෙඩි වශයෙන්.
9. සැරසීම සඳහා බුලත්.
10. නෙලුම්, මානෙල් හෝ ඕලු මල් (වර්තමානයේ විවිධාකාර මල් වර්ග භාවිතා කරනු ලැබේ)
11. පිත්තල හෝ මැටි පහනක්
12. බුලත් හෙප්පුවක්.
මේ දේවල් ඔබගේ ප්රදේශය සහ චාරිත්රවේදියා අනුව පුංචි පුංචි වෙනස්කම් තියෙන්නත් පුලුවන්, ඒක සාමාන්ය කාරනාවක්. හොදම දේ තමයි ඔයාලා මේ අංගය Wedding එකට එකතු කරන්න හිතාගෙන ඉන්නවනම් චාරිත්රවේදියාගෙන් හෝ සැරසිලි කටයුතු කරන කෙනාගෙන් උපදෙස් ගන්න.
ගොඩාක් Customer ලා අපෙන් අහන දෙයක් තමයි "සශ්රීක මේසය අත්යාවශ්යයිද" කියන කාරනය. ඇත්තටම මේක අත්යාවශ්ය අංගයක්නම් නොවෙයි. නමුත් මංගල සහ සෞභාග්යය සංකේතයන් රැසක් මේ තුල ගැබ්වෙලා තියෙනවා වගේම ඔබේ මංගල දිනයට විශාල අපූර්වත්වයක්ද මෙතුලින් එකතු වෙනවා.
ඉතින් ඔයාලගේ Wedding එකටත් ලස්සනම ලස්සන සශ්රීක මේසයක් හදාගන්න අවශ්ය නම් Supipi Flora Event Planner අපිට කතා කරන්න. ඔබගේ සිහින මංගල්ලය හැබෑවක් කරන්න අපි සූදානම්....
ලස්සන Wedding එකක් ගන්න හීන දකින ඔයාලා හැමෝටම,
ශ්රී සුභ මංගලම්!
