30/06/2025
සති අන්තයක් කියන්නෙම
මං ආසම දවස්...
හිතට සනීප සුවයක් ගෙවෙන දවස්...
ටිකක් දවල් වෙලා ඇහැරෙන්න...,
ගෙදරට අදින පරන ඇදුමක් ඇදගෙන සැහැල්ලුවෙන් ඉන්න...
මිදුල පුරා ටිකක් ඇවිදින්න...
මල්ගස් ටික පොඩ්ඩක් අතගාලා සුවදුක් අහන්න...,
අම්මා හදන රස කෑමක් රස කර කර කන්න..,
සති අන්තයක් එන්නම ඕන
ජීවීතේ මහන්සිය නිවෙන්න....
අම්මා උයන කොට කුස්සියේ කෑම මේසේ පුටුව උඩට වෙලා පොඩි ඕපයක් කතාකරන්න...
පරණ ඇද ඇතිරිලි අලුත් වෙලා
සුවද හමන කොට්ට උරයක සුව නින්දක් දාන්න....
ආසම පාටකින් නියපොතු ටික පාට කරගන්න...,
ගේ පුරාම සුවද ඉහිරෙන්න
රස කේක් ගෙඩියක් හදන්න...
සති අන්තයක් එන්නම ඕන...
නිදහසේ හුස්මක් ගන්න....
පොතක් බලන ගමන්
රස කේක් කෑල්ලක් ඒක්ක තේ එකක රහ බලන්න...
කකුල් දෙකත් උඩ තියාගෙන
ආසම කාටූන් සීරීස් එකක් බලන්න...
මං හරි ආසයි
සති අන්තයේ ආසම විදියට දවස ගෙවන්න....
ගයනි සුභාෂි..
