08/11/2024
ජාතික ජන බලවේගයේ ගාල්ල දිස්ත්‍රික් විධායක සභිකයෙකු වන ඔහු ගාල්ල රිචිමන්ඩි විද්‍යාලයේ, හික්කඩුව ශ්‍රී සුමංගල මධ්‍ය මහා විද්‍යාලයේ, නලාගස්දෙනිය ජයන්ති ආදර්ශ විද්‍යාලයේ සහ ශ්‍රී සෝරත දහම් පාසලේ කීර්තිමත් ආදි ශිෂ්‍යයෙකි. රිචිමන්ඩි විද්‍යාලයේ 2011 වර්ෂයේ උසස් පෙළ කලා අංශයේ දක්ෂතම සිසුවාට හිමි සම්මානයත්, 2014/2015 වර්ෂයේ රොටරි සමාජයේ විශිෂ්ඨතම කැපවීම පෙන්වූ රොට්‍රැක්ට් සාමාජිකයාට හිමි සම්මානය දිනාගත් අතර, මේස පන්දු ක්‍රීඩාවෙන් සමස්ත ලංකා ජයග්‍රහණ අත්පත් කරගත් ක්‍රීඩකයෙකි. 2014 සහ 2015 වර්ෂවල කොළඹ විශ්ව විද්‍යාලයේ වර්ණලාභීයෙකි. දහම් පාසල් අවසාන සහතික පත්‍ර විභාගයද සමත් වූ අයෙකි.
කොළඹ විශ්වවිද්‍යාලයේ නීති පිඨයෙන් නීතිවේදී ගෞරව උපාධිය 2016 වර්ෂයේදී සම්පුර්ණ කොට, 2017 වසරේ නීති විද්‍යාලයේ අවසන් වසර විභාගය සමත් වී, 2018 වසරේදී නීතිඥවරයෙක් ලෙස දිවුරුම් දුන් අතර, ගාල්ල නීතිඥ සංගමයේ 2020 සහ 2022 වර්ෂ වල විධායක කමිටු සාමාජිකයෙකි.
ජාතික ජනබලවේගයේ නීතීඥයෝ සංවිධානයේ ජාතික විධායක සභිකයෙකු ලෙසත්, ගාල්ල දිස්ත්‍රික් කැඳවුම්කරු ලෙසත් කටයුතු කරන අතර, ජාතික විද්වත් සංවිධානයේ රත්ගම ආසනයේ සභාපතිවරයා ලෙස ද වගකීම් ඉටුකරන විද්වත් වෘත්තිකයෙකි. මානව හිමිකම් නඩු, අරගලයේ අසාධාරණයන්ට ලක්වූවන්ගේ අධිකරණ කටයුතු වෙනුවෙන් ද නොමිලේ පෙනී සිටීමින් නීතිඥයෙක් සහ යුක්ති ගරුක සමාජයක් අපේක්ෂා කරන්නෙකු ලෙස කටයුතු කරන ජනතාවාදී සමාජ ක්‍රියාකාරිකයෙකි.
Yasaswin Godakanda
