13/06/2025
ලක්ෂ 10න් Magical Event එකක් ගන්න පුළුවන් ද ??
'ඔව්. පුළුවන්.'
මේ article එක share කරන්නෙ මගේ engagement එක ගැන හුඟක් දෙනෙක් අහපු නිසා. ඒ වගේම ඒකෙ cost එක අද කාලෙ හැටියට හුඟක් අඩු නිසා. මං විශ්වාස කරනවා තව කෙනෙක්ට මේක ලොකු උදව්වක් වෙයී කියලා.
Article එක ටිකක් දිගයී. හැබැයී මේක කියවන එක ඔයාලට පාඩුවක් වෙන එකක් නෑ..
(01) Idea.
Wedding එකක් කියන දේ මගේ ජීවිතේ තිබුණු ලොකු dream එකක් නෙමෙයී. මොකද ඊට වඩා මට වෙන වෙන හීන තමයී තියෙන්නෙ. මගෙ ඔළුවෙ තිබුණ එකම දේ මං කැමතිම විදිහෙ vibe එකට, මගෙ ජීවිතේ මාව අමාරුම දවස් වල මාව දරාගත්ත මිනිස්සු එක්ක පුංචි උත්සවයක් ගන්න. වෙලාවට මගෙ partner හැමදාමත් වගේ මගෙ ඒ idea එකට support කළා.
එතකොට මේ event එකේ wedding planner වුණෙත් මං. අපි decide කළා outdoor function එකක් විදිහට, රෑට මේක ගමු කියලා. මොකද මං හරි ආසයී රෑට පුංචි පුංචි light වැල් ටිකක් දාලා, එළියෙ හුළඟත් එක්ක, පුංචි බටනලා සද්දයක් විඳින්න.
මගෙ හැටියට guest count එක වෙන්න වුණේ 50යි. හැබැයී මගෙ partnerගෙ අම්මලගෙ පැත්තෙන් ආපු request එකක් නිසා ඒක 70ක් වෙනකන් වැඩි කරන්න වුණා. මගෙ පැත්තෙන් මගේ කියලා ආවෙ 9 දෙනයී.. ඒකත් ඒ කවුරුත් මගේ ලේ නෑයො නම් නෙමෙයී. ඒ මගේ ජීවිතේ මට අමාරු කාලෙ මාව බලාගත්ත මිනිස්සු. සහ මට දැනුණු මිනිස්සු.
(02) Plan.
මුලින්ම කළේ Excel sheet එකක් හදාගත්ත එක. මේක ඕන කවුරු හරි ඉන්නවා නම් page එකේ email එකට email එකක් එවලා ඒක ඉල්ලන්න.
ඉතින් අපි චාරිත්ර අනංමනං මුකුත් කරන්නෙ නැති නිසා අපි තීරණය කළා අපි මේක Engagement Type එකට තමයී කරන්නෙ කියලා.
මේ excel එකේ සම්පූර්ණයෙන්ම අපි කොච්චරක් ඒ ඒ දේවල් වලට budget කරනවද, vendors ලා කවුද, ඒ අයගෙ contact details, advance ගෙවන ඒවා ඔක්කොමත් එන විදිහට විදිහට තමයී හැදුවෙ. ඒකෙ sheets කීපයක් තිබුණා.
1. SUMMARY
2. Guest list
3. Expense Budget
4. Notes/Workings
5. Honeymoon
Summary එක හැදුවෙ, සම්පූර්ණයෙන්ම අපි කීයක් ගෙව්වද, තව කීයක් ගෙවන්න තියෙනවද කියලා පෙන්නන විදිහට. ඇත්තටම මේ excel sheet එක් තමයී අපිට මේ වැඩේ smooth විදිහට කරගන්න ලොකු support එකක් වුණේ.
(03) Vendors list.
මේ තමයී අපේ vendorsලා සහ 2024 දෙසැම්බර් වලදි ඒ අයට අපිට වියදම් කරන්න වුණු prices. ඒ වගේම ඒ අය ගැන මට දැනුණු විදිහ.
👉🏻 Venue - NUGA
මෙතන vibe එකට මං මාරම විදිහට ආස වුණා. ඒ වගේම pricesත් අපේ budget එකත් එක්ක align වුණා. ඉතින් මෙතන managerගෙන් ලැබුණු service එකත් excellent.
Cost - PP Rs. 5,250 + 10% service charge. Venue එකට ඔක්කොම ගියෙ Rs. 410,025
👉🏻 Decors - Flower Lane
පස්සෙ සමහර දේවල් අහනකොට මේකට ගිය cost එක වැඩිද කියලත් හිතුණා. හැබැයී එයාලා ලස්සනට වැඩේ කරලා තිබුණා. සමහර තැන් වල අඩුපාඩු තිබ්බත් ඒක ලොකුවට notice වුණේ නෑ. ඉතින් කවුරුහරි මේකට decorations දෙනවා නම් පොඩ්ඩක් එයාලත් එක්ක touch එකේ ඉඳලා ඒ වැඩේ කරන්න.
Cost - Rs. 137,500
👉🏻 Photography - Rings Arts Studio
මෙයාලගෙ service එක නම් සුපිරි. ඒ වගේම photos පුදුම තරම් ලස්සනයී. ඒ shots. ඒ වගේම moments capture කරලා තිබුණ විදිහ මාරම ලස්සනයී. Photo ටික අරගත්ත ඒ පැය ගාණෙ එයාලා ඒ හැමදෙයක්ම capture කරගන්න මාරම මහන්සියක් වුණේ. ඇත්තටම අපිටත් වඩා අපේ memories ටික අරගන්න එයාලට වුවමනාවක් තිබුණා වගේ තේරුණේ. ඒ තරම් supportive. After event service එකත් ඒ වගේමයී.
Cost - Rs. 135,000. අපේ event එක engagement category නිසා තමයී මේ ගාණ වුණේ. මේ ගාණට වඩා වටින ලොකු service එකක් තමයී එයාලා දුන්නෙ
👉🏻 Flower boquet - Designer Flowers
මල් boquet එක ගන්න මං මුලින්ම තේරුවෙ වෙන vendor කෙනෙක්ව. හැබැයි මං දවස් 3ක් එයාලට කතා කරලත් ඒ තැනට ගියත් එයාලා මාව consider කළේ නෑ. ඒ නිසා තමයී මං Designer Flowers තේරුවෙ. එයාව මං මුණ ගැහිලා කතා කළේවත් මුකුත් නෑ. හැමදේම whatsapp එකෙන් තමයී කතා කළේ. හැබැයී එයා එවපු මල් ටික පුදුම තරම් quality. Boquet, Headress, coat flower ඔය හැමදේම include වුණා.
Cost - Rs. 30,000
👉🏻 Clothes & Dressing
Bride👰♀️
Saree - Madhushree Saree Mandir Pettah
මගෙ සාරි එක වුණේ රු. 20,000යි. මගෙ idea එක එතනට ගිහින් කිව්වහම එයා මගෙ හිතේ තිබුණම විදිහෙ සාරි එකක් දුන්නා. Budget, design ඔක්කොම align වුණා. මට සාරි එක ගන්න අපිට ගියෙ පැය 3කටත් අඩු කාලයක්.
Shoes - Saffans
ඒ දෙක වුණේ Rs. 8,750 යි. Saffans එකේ සෙරෙප්පු ඉතින් බය නැතුව ඕන තරම් කාලයක් දාන්න පුළුවන්.
මැහුම් කුලී වුණේ Rs. 4,500යි. කළුතර මං හැමදාම සාරි jacket මහන ඇන්ටි තමයී මැහුවෙ.
Jewellery ගත්තෙ Gitano එකෙන්. එතනට අපිට වියදම් වුණා රු. 20,300ක්.
Salon Lucky, Ja Ela. මෙයා තමයී මාව dress කළේ. හැමදාමත් මං යන Salon එක. පුදුම තරම් ලස්සන service එකක් දෙන තැනක්. මට cost වුණේ රු. 15,000යි. මාව දැකපු හැමෝම කිව්වෙ ඔයාගෙ makeup එක මාරම ලස්සනයී කියලා.
Groom 🤵♂️
මගෙ partner, Tie, Blazer, S**t, Trouser, ඒ කියන්නෙ full suit එකක්ම ගත්තා. ඇත්තටම ඒක නම් life time investment එකක්නෙ. ඒක ගත්තෙ Hameedia එකෙන්. ඒකට ගියෙ Rs. 51,985.
එයාගෙ shoes ගත්තෙ කලින් දවසෙ රෑ DSI එකෙන්. එතනට ගියෙ රු. 4,685ක්.
👉🏻 Flower preservation - Shashiings
එයාගෙත් service එක හුඟක් quality. ඒ වගේ වැඩේ හරිම ලස්සනට කරලා දුන්නා.
Cost - Rs. 20,000
👉🏻 Rings - Tash Jewellery
අපි දෙන්නටම රත්තරන් වලට කිසිම ආසාවක් නෑ. ඒ වගේම මටත් ඒ මුද්ද හැමදාම හැමවෙලේම දාන්න අවශ්යත් නෑ කියන තැන තමයී හිටියෙ. ඉතින් අපි තීරණය කළා අවශ්ය නැති දේකට ලොකු වියදමක් නොදරා ඉන්න. මේක සමහර විට කෙනෙක්ට අවුල් වගේ හිතෙන්න පුළුවන්. හැබැයී ඒක අපේ choice එක.
අපි හිතුවා කවදහරි ඕන වුණොත් පස්සෙ අපි රත්තරන් වලින් හදමු කියලා. අපිට ඕන වුණේ ඒ function එක වෙලාවෙ ඒක symbolize කරන්න විතරයී.
Cost - Rs. 26,500
👉🏻 Guest souvenir - EGD - Events by Greeny Desert
මට ඕන වුණේ Thank you card එකක් වෙනුවට එන හැමෝටම ප්රයෝජනවත් දෙයක් දෙන්න. මොකද අපි වුණත් Thank you card එකක් අරගෙන ආවට ඒක තියාගන්නෙත් නැති තරම්. ඒ නිසා මං හිතුවා එන හැමෝටම ගැට පිච්ච මල් පැළයක් දෙමු කියලා. මොකද ඒක ලස්සනයී, සුවඳයී. හැම ගෙදරකම අනිවාර්යෙන්ම තියෙන්න ඕන පැළයක් නිසා.
මෙයාලගෙ service එකත් මාරම හොඳයී. ඒ වගේම ඒ පැළත් හොඳටම හොඳයී. හැමෝගෙම මල් පැළ වල දැන් හොඳට මල් පිපෙනවා කියලා කිව්වා. අපු හැමෝමත් ඒ දේට හුඟක් සතුටු වුණා.
Cost - පැළ 33ට, රු. 9,375
👉🏻 Invitation cards & cake boxes - Jeeva Carda
මේකත් පිටකොටුවෙ පොඩි කඩයක්. මගෙ හිතේ තිබුණා වගේම ලස්සනම ලස්සන charm card එකක් මෙයාලා design කරලා, quality විදිහට print කරලා දුන්නා. අපිට ඕන වුණේ cards 30ක් විතරයී නිසා per card cost එක වැඩියි.. හැබැයී cards ගාණ වැඩිවෙනවා නම් ඒ cost එක හුඟක් අඩුවෙනවා.
Cost - Rs. 13,500
👉🏻 Cake - The Cake House
අපේ cake එක මාරම රසට තිබුණා. එයාලා cake එක හදලා ඒ තැනට deliverත් කලා. එතන පොඩි delay එකක් තිබුණා. හැබැයී on time වගේ cake එක ආවා. 1.5kg cake with fresh fowers.
Cost - Rs. 9,100
👉🏻 Videography - Illuminaze
මේත් සුපිරි චරිතයක්. කවදහරි දවසක අනිවාර්යෙන්ම ලංකාවෙ හැමෝම දන්න කෙනෙක් වෙයි. මොකද එයා ඒ තරම් කැපවීමෙන් එයා දෙන service එක දෙනවා. මං එයාට කිව්වෙ 'කුෂාන් මට event එක නෙමෙයී මට ඒ දවසෙ moments ටික capture කරලා දෙන්න' කියලා විතරයී. එයා ඒ වැඩේ මාරම ලස්සනට කරලා දුන්නා.
Cost - Rs. 40,000
👉🏻 Band - Thaala
මෙයාලව හම්බුණෙ අහම්බෙන්. දවසක් අපි එක restaurant එකක කන්න ගියහම guitarist කෙනෙක් එක්ක flute play කරපු කෙනෙක් හිටියා. එදා ඒ vibe එකට ඒ සද්දෙ පුදුම ලස්සනට match වුණා. එවලෙම අහලා අපි එයාලට අපේ දවස ලස්සන කරන්න එන්න කිව්වා.
හර්ෂ එක්ක තමයී අපි coordinate කරගත්තෙ. පුදුම තරම් හොඳ service එකක් දුන්නෙ. අන්තිමට එදා 4 peice band එකකුත් තිබුණා. Flute artist කෙනෙකුත් එක්කම.
Cost - Rs. 42,000
(04) Conclusion
ඉතින් මූලිකවම ඔය වියදම් ටික තමයී අපිට ගියේ. අනිත් ඒවා මේවත් එක්ක ගියපු අමතර වියදම්. අද කාලෙ මේ වගේ මුදලකින් මෙහෙම event එකක් ඇත්තටම කරන්න පුළුවන්ද කියලා හුඟක් අයට ලොකු ප්රශ්නයක් තියෙනවා.
ඒ වගේ doubt තියෙන අයට උදව්වක් වෙන්න තමයී මේ post එක share කරන්නෙ. ඒ වගේම සල්ලි හුඟක් වියදම් නොකර ඔයාලගෙ ඒ දවස ඇත්තටම ලස්සන කරගන්න හීන දකින හැමෝමත් වෙනුවෙන් තමයී මේ article එක.
අපිට මුළු function එකටම ගියෙ Rs. 1,066,895.00යි. ඉතින් ඔයාලත් අනිවාර්යෙන්ම පුංචි effort එකක් ගත්තොත් ඔයාලගෙ ජීවිතේ ඒ දවස ඔයා ආස කළා වගේ ලස්සන දවසක් කරගන්න ඔයාටත් පුළුවන්.
හැමවෙලේම cost vs benefit එක analyze කරන්න. ඒක තමයී mainම tip එක.
Finally අපි කාටවත් ණයත් නොවී, ඔළුවට කිසිම බරකුත් නොගෙන, ලස්සනම ලස්සන event එකකුත් අරගෙන, රට වටේ රවුමකුත් ගහලා, අපේම කියලා වාහනේකුත් අරගත්තා. අපි ඒ වෙලාවෙ ඇත්තටම priority දුන්නෙ අපිවත් නොදැකපු අපිට නෑයො කියන පිරිසකට කියලා ගන්න ලොකු වෙඩිමකට වඩා, අපේ ජීවිත වලට කරගන්න ආයෝජනයකට..
හැබැයී ඉතින් එක එක්කෙනාගෙ ජීවිත වල priorities, dreams වෙනස්නේ. ඒ නිසා ඔයාලටත් පුළුවන් ඔයාලගෙ ජීවිතේ මේ දවස වෙනුවෙන් කොච්චරක් දුරට වියදම් කරනවද කියන එක ඒ අනුව තීරණය කරන්න.
හීන වෙනුවෙන් කැප වෙන ඔයාට ජයෙන් ජය💪..
©️ Study with Gimi
Study With Gimi
