13/06/2015
ازيكم يا احسن رجاله .. النهارده عايزين نتكلم في موضوع شائع جدا عند
الشباب و هو موضوع العاده السريه
, طبعا الموضوع ده كل صفحات كمال الاجسام اتكلمت عنه بالتفصيل و يمكن بعض الصفحات اعادت الكتابه في الموضوع ده اكتر من مره , مع احترامي الكامل ليهم لكن كنت بحس من اسلوب الكلام في الموضوع ده ميشجعش الواححد او ميقنعهوش بصوره كافيه عشان كده انا النهارده هتكلم بصوره عاميه جدا و بسيطه اووووي
صلي علي النبي ياوحش و اعتبرني واحد صاحبك قاعد بدردش معاك علي القهوه .. دلوقتي كلنا عارفين اضرار العاده السريه علي الانسان عموما و علي الي بيلعبوا كمال الاجسام كمان بس معلش عايز ااكد عليكم اضررها تاني بصوره سريعه
العاده السريه وتأثيرها على لاعب كمال الاجسام
لو اتكلمنا علي تأثر العاده السريه علي لاعب كمال الاجسام فهيه تأثير نفسي بنسبة 100في ال100 وطبعا كل الي لعب اللعبه ديه لازم يعرف ان اللعبه ديه لعبه بيدخل فيها العامل النفسي اكتر من العامل البدني بمعنى اصح اللعبه ديه لعبة العامل النفسى.
فعند اثارة الشهوه يزداد معدل الهرمون الرجولي ( التسترون ) بالجسم
و ذلك الهرمون يؤدي لزياده القوه و بناء العضلات
و عند ممارسة العاده السريه يقوم الجسم بالتخلص من التسترون
و يفقد الشهوه و يصبح الجسم هزيلا ويؤدى الى
1- اجهاد بدنيا وعصبيا للاعب وبالتالى لايستطيع رفع الاوزان
2- انه يشعر بالهبوط الجسدى الكامل وبالتالى لا يستطيع التمرين
3-عدم الاسفاده بشكل كامل من فوائد الغذاء
بالاضافه الى ضعف البصر/النسيان/الم فى مفاصل الجسم /زرقان اسفل العين
دي اضرار بصوره مختصره .. اضرار كتيره و صعبه مش كده! طيب نيجي للجزئ الاهم ازااااي نبعد عنها
بص يا وحش و كلامي للناس المدمنين عليها بصوره كبيره بالذات
مبدأيا انا مبعترفش باسلوب الافش او التنفيذ مره واحده خصوصا في مشاكل الادمان علي اي عاده سيئه افضل وسيله بالنسبالي شخصيا هي التدريج
قبل متبدا التنفيذ لازم ترتب شويه حجات
اولا : حط هدفك و حياتك البدنيه قدام عنيك دائما
ثانيا : اختبر قوه الارداه بتاعتك اتحدي نفسك قول يانا يا هي
ثالثا : تاخد عهد علي نفسك و قدام ربنا انك هتنفذ النظام
رابعا : صلي ركعتين و كلم ربنا و قوله انا يا رب بحاول ابعد عن عاده سيئه ساعدني اني انجح في ده و ربنا مستحيل هيسيبك طول ما انت بتتعب و بنيه صادقه
بص يا كوتش انت دلوقتي مدمن علي العاده دي من شهور او من سنين او غيره صعب جداااااا تبطل العاده دي في يوم و ليله ! ابتدي درج العمليه بمعني انت مواظب علي العاده دي يوميا ؟ اوك ايه رايك تقلل العاده دي ل 3 مرات في الاسبوع فقط و الاسبوع الي بعده ايه رايك تخليها مرتين في الاسبوع فقط و الاسبوع التالت بردو مرتين في الاسبوع الاسبوع الابع كفايه مره مربنا اكيد هيقدرك .. الاسبوع الخامس هتبدا حياه جديده بعيده كليا عن اي اضرار نفسيه او جسميه لجسمك و تبدا تحقق هدفك في كمال الاجسام و توصل للجسم الي انت عايزه بسهوله
في شويه حجات بسيطه انتظم عليها بردوا
متفوتش فرد و اطلب من ربنا في كل مره انه يعينك علي تركها
بلاش تتفرج علي شهوات او اي حاجه تثيرك جنسيا (افتكر انك بتتحدي نفسك )
كن علي يقين انك اما بتعمل العاده دي بتغضب ربنا و احنا مش ناقصين ذنوب يا راجل .. يارب اكون سبب في انك تبتعد عن اي عاده مضره ليك وربنا معاكم يا رجاله
