MeloStage｜音樂表演場地．Party Room

MeloStage｜音樂表演場地．Party Room 最 Cozy 嘅 Gathering Stage
可容納8-60人
專業舞台表演場地
土瓜灣站步行2-3分鐘
⭐️另有專人策劃及安排派對
商業登記號碼：78279859

【心靈唱遊｜海鮮 BBQ 版 🦐🎸】今次心靈唱遊，想帶大家走出室內，去戶外平台吹吹風，食住海鮮 BBQ，慢慢唱幾首歌。有 Anson 同 Elvis 嘅結他 acoustic 伴奏，冇太滿嘅聲音，只有木結他、歌聲，同一個可以好好放鬆嘅晚上。...
19/09/2026

【心靈唱遊｜海鮮 BBQ 版 🦐🎸】

今次心靈唱遊，想帶大家走出室內，
去戶外平台吹吹風，食住海鮮 BBQ，慢慢唱幾首歌。

有 Anson 同 Elvis 嘅結他 acoustic 伴奏，
冇太滿嘅聲音，只有木結他、歌聲，同一個可以好好放鬆嘅晚上。

當炭火慢慢燒起，海鮮香氣飄出嚟，有人唱歌、有人跟住哼、有人喺旁邊慢慢食，一個平常嘅夜晚，就可以變成一段值得記住嘅相聚。

留一晚畀自己，嚟 MeloStage 一齊食、一齊聽、一齊唱。🌙

📍 活動詳情
📅 日期：2026年9月27日（星期日）
🕡 時間：下午5:00 till late
📍 地點：MeloStage 2號店（土瓜灣站D出口附近）
🎟️ 門票：$368 (包兩首歌伴奏）

想留位？DM 我哋。夏天之前，先嚟一場戶外音樂會。

#心靈唱遊

#老闆娘想講少少野Sunny 個人 Live《雙重曝光》，超額完成 ✨呢一場，係「四大才子」Live 系列第二場，可以話係最容易，亦係最難嘅一場。最容易，係因為 Sunny 對周邊嘅嘢從來冇要求。仲記得第一次開會，佢就好簡單咁講咗一句：「...
14/09/2026

#老闆娘想講少少野

Sunny 個人 Live《雙重曝光》，超額完成 ✨

呢一場，係「四大才子」Live 系列第二場，
可以話係最容易，亦係最難嘅一場。

最容易，係因為 Sunny 對周邊嘅嘢從來冇要求。
仲記得第一次開會，佢就好簡單咁講咗一句：「我淨係鍾意唱歌。」
最難，亦正正係因為咁——冇既定主題，冇想特別交代嘅 message，一切都要由零開始砌起。

於是就開始咗長達半年嘅製作。
老闆 MC 負責幫佢監製歌曲同演唱技巧，
我就負責流程、道具、燈光；今次仲玩得大癲少少，唔止買衫，直情落手幫佢做衫。

我自己最鍾意嘅，係佢出場嗰套西裝加扭扭花，
每一支花都係我親手扭出嚟，一邊扭，一邊幻想住佢自彈自唱嘅畫面。Sunny 就特別鍾意快歌嗰套，背脊嗰個「SUNNY」，係我逐粒珠仔釘上去，開show 嗰朝，我仲喺度微調緊。仲有〈裙下之臣〉嗰件紗，襯晒主題；台上換衫，都係 MeloStage 第一次。

睇住你由綵排俾我打手板，到正式上台，一一做到晒要求，
真係好驕傲。

好多謝你揀咗我同老闆，一齊陪你行呢一段，實現屬於你嘅夢想。亦要再次多謝當晚四位樂手用心陪住 Sunny，撐起成場 show。Anson Fung ~Shingkit~🙃🙃 DL Music 專業音樂鋼琴教室｜零壓力學琴｜24小時自助琴室 Hanzi Chan

Sunny 話，呢半年佢喺我哋身上學咗好多；
其實佢都教識咗我一件事——
生活最重要，就係要被自己喜歡嘅人和事，填得滿滿。

#雙重曝光

9/5 心靈唱遊｜一晚溫柔又帶點驚喜嘅小聚 🎶呢晚有幾首熱門歌，竟然一連被唱咗兩次，變成一場好善良嘅 battle——唔止考驗緊上台嘅你，亦都考驗緊台上嘅樂手，要即場玩出唔同嘅編排同味道。大家都好投入，聽落去反而覺得幾好玩。又再一次出現好多...
07/09/2026

9/5 心靈唱遊｜一晚溫柔又帶點驚喜嘅小聚 🎶

呢晚有幾首熱門歌，竟然一連被唱咗兩次，
變成一場好善良嘅 battle——唔止考驗緊上台嘅你，亦都考驗緊台上嘅樂手，要即場玩出唔同嘅編排同味道。大家都好投入，聽落去反而覺得幾好玩。

又再一次出現好多驚喜合唱組合，
有啲係一早夾好，有啲就係臨場一個眼神就夾埋一齊，成晚都好多呢種自然發生嘅默契時刻。

亦有唔少人留意到，每次上台唱歌背後，
其實都有一張老闆娘特別 tailor made 嘅背景。
每一張都用心整過，配合番嗰晚嘅氣氛同歌，
好多謝大家咁細心，留意到呢份小小嘅心意。

有歌、有伴奏、有一班願意慢慢坐低嘅人。
9 月 5 號嘅呢一晚，就係咁樣，溫柔又帶點小驚喜咁過去咗。 🤍

#心靈唱遊 #用音樂傾計

9/1 梳化音樂會｜開學日嘅一場小聚 🎻🎸🎹9 月 1 號，好多人心裡都仲記得「開學禮」嗰種感覺——新一頁翻開，有啲緊張，亦有啲期待。今次梳化音樂會，剛好就係咁樣，好耐冇見嘅舊朋友返嚟，亦有幾位新朋友加入，仲要一坐低就自彈自唱，好有勇氣。A...
02/09/2026

9/1 梳化音樂會｜開學日嘅一場小聚 🎻🎸🎹

9 月 1 號，好多人心裡都仲記得「開學禮」嗰種感覺——
新一頁翻開，有啲緊張，亦有啲期待。今次梳化音樂會，剛好就係咁樣，好耐冇見嘅舊朋友返嚟，亦有幾位新朋友加入，仲要一坐低就自彈自唱，好有勇氣。

Anson 用〈一生何求〉為呢晚打開序幕，
之後有小提琴伴奏嘅〈十字架〉，原來可以咁好聽，靜靜聽住都幾感動。
去到大合唱嘅〈年少無知〉同〈友共情〉，氣氛又推高多一層，好多人跟住輕輕唱和。

中間 break，仲有老闆 MC 煲嘅椰汁雪耳湯水，
一啖落肚，成個人都暖返晒，滋潤到不得了。

多謝三位樂手今晚嘅陪伴，
亦多謝每一位帶住自己嘅故事嚟到嘅你。
新學期，先由呢一晚溫柔咁開始。 🤍
Anson Fung 指尖上的tricking🎹 Lai Wah Juen

#梳化音樂會 #用音樂傾計

【8/26 心靈唱遊｜心弦版 Guitar 🎸 & Violin 🎻】原來兩支結他，加一把小提琴，可以咁美好。聲音唔多不少，剛剛好留到空間，等每一句歌詞、每一下拉奏，都聽得更近、更清楚。MeloStage 嘅 Open Mic，從來都唔係擂...
27/08/2026

【8/26 心靈唱遊｜心弦版 Guitar 🎸 & Violin 🎻】

原來兩支結他，加一把小提琴，可以咁美好。
聲音唔多不少，剛剛好留到空間，等每一句歌詞、每一下拉奏，都聽得更近、更清楚。

MeloStage 嘅 Open Mic，從來都唔係擂台。
呢晚大家玩得好投入，可以獨唱，可以合唱，遞埋咪落台下，一齊大合唱都得。冇比較，冇壓力，只有一齊沉浸喺音樂入面嘅專注。

最溫暖嘅，係台下嘅風景。
除咗老闆準備嘅小食，仲有人帶手信、有人帶酒、有人帶生果同蛋糕，一件一件擺埋喺枱面，成個畫面就好似去咗朋友屋企 gathering，冇拘束，只有分享。

而全晚最難忘嘅一幕，
係 Anson、Elvis 同 Wina 三位樂手合唱〈天梯〉。
兩把結他聲底本身已經好靚，再加埋小提琴慢慢滲入去，
嗰種溫柔，聽落真係好舒服，好想時間可以慢一慢。

有酒，有音樂，有一班願意慢慢坐低嘅人。
呢一晚，就已經足夠構成一段好想記住嘅回憶。

多謝 Anson Fung EvsBusk Wina Violin 🎻

#心靈唱遊 #用音樂傾計 #香港音樂

【心靈唱遊｜音樂陪伴嘅晚上】9 月 19 號，唔需要有咩特別原因，先值得留一晚畀自己。淨係想唱歌、想被陪伴、想搵個地方靜靜坐低，已經足夠嚟一齊心靈唱遊。呢度嘅奇妙之處，係大家由互相唔認識開始。一首歌接一首歌，慢慢有人跟住和音，有人主動夾唱，...
26/08/2026

【心靈唱遊｜音樂陪伴嘅晚上】
9 月 19 號，唔需要有咩特別原因，先值得留一晚畀自己。淨係想唱歌、想被陪伴、想搵個地方靜靜坐低，已經足夠嚟一齊心靈唱遊。

呢度嘅奇妙之處，係大家由互相唔認識開始。
一首歌接一首歌，慢慢有人跟住和音，有人主動夾唱，陌生人就係咁，喺唔知不覺間，變成一齊分享歌單嘅朋友。

今次Full band班底：
* 🥁 Drum : Benny
* 🎹 Keyboard : Gordon
* 🎸Electric Guitar : Hanzi
* 🎸Guitar : Ka Chuen

樂手照舊喺度，陪你唱返自己想唱嘅歌。
你唔需要準備好一個理由先可以嚟，
淨係帶埋自己，同一首想唱嘅歌，就夠。

9 月 19 號，MeloStage 留返個位畀你。 🎶

📍 活動詳情
📅 日期：2026年9月19日（星期六）
🕡 時間：下午6:30 - 晚上11:00
📍 地點：MeloStage 2號店（土瓜灣站D出口附近）
🎟️ 門票：表演 $328 (包兩首歌伴奏)｜觀眾 $218

報名及購票：https://wa.me/85294059639

【8/23 心靈唱遊｜管弦樂版 Part 2 🎷🎻🎹🎸】呢晚嘅氣氛，啱啱好。唔算嘈，亦唔會太靜；大家飲住酒、聽住歌，喺燈光下等候自己被抽中上台。有人輕輕跟住旋律哼，有人為朋友拍掌，成個空間都係一種舒服嘅期待。管弦樂伴奏，原來真係唔只屬於慢歌...
25/08/2026

【8/23 心靈唱遊｜管弦樂版 Part 2 🎷🎻🎹🎸】

呢晚嘅氣氛，啱啱好。
唔算嘈，亦唔會太靜；大家飲住酒、聽住歌，喺燈光下等候自己被抽中上台。有人輕輕跟住旋律哼，有人為朋友拍掌，成個空間都係一種舒服嘅期待。

管弦樂伴奏，原來真係唔只屬於慢歌。
上次有〈膽小鬼〉，今次到〈心急人上〉。當結他、鋼琴、色士風同小提琴重新鋪開熟悉嘅旋律，首歌忽然多咗另一種節奏同畫面。

更開心嘅，係台上又見到好多新嘅合唱組合。
由最初互相唔認識，到後來約定一齊揀歌、一齊上台，慢慢成為彼此嘅唱歌拍檔。音樂最奇妙嘅地方，可能就係咁：佢唔需要介紹，已經幫大家拉近咗距離。

而呢晚，仲係老闆娘生日前夕。
多謝大家帶來蛋糕、零食，同埋一份份好有心思嘅祝福；更要多謝留到十二點、陪佢一齊倒數嘅你哋。

有酒、有音樂、有朋友，仲有好多不經意形成嘅連結。
多謝每一位將自己嘅歌、時間同心意帶到 MeloStage 嘅你。

呢啲夜晚，真係會令人想好好記住。

#心靈唱遊 #用音樂傾計

8/13 心靈唱遊 80s 90s｜一晚把青春帶返嚟嘅相聚 📼呢晚一開始，就知大家唔係淨係嚟唱幾首歌咁簡單。閃片、頭箍、各有心思嘅造型，一走上台，已經將我哋帶返去嗰個聽歌要抄歌詞、追偶像要儲書仔嘅年代。老闆 MC 仲鼓勵大家帶埋 80、90...
14/08/2026

8/13 心靈唱遊 80s 90s｜一晚把青春帶返嚟嘅相聚 📼

呢晚一開始，就知大家唔係淨係嚟唱幾首歌咁簡單。
閃片、頭箍、各有心思嘅造型，一走上台，已經將我哋帶返去嗰個聽歌要抄歌詞、追偶像要儲書仔嘅年代。

老闆 MC 仲鼓勵大家帶埋 80、90 年代嘅紀念品嚟分享。於是，我哋見到《流氓大亨》吳啟華同款造型眼鏡、讀書時嘅畢業公仔、偶像嘅 CD 書仔、漫畫《EXAM》，甚至連小學英文書都出現埋。
每一件物件一拎出嚟，大家就即刻有話題；原來有啲回憶，一直都好好咁收埋喺心入面。

唔知係咪 80、90 年代真係特別多合唱金曲，成晚都聽到大家一對一對咁唱。
去到後來，我哋索性即興開咗個投票，揀出「我最想見到嘅男女合唱」；獲選朋友仲得到香港小姐親自加持，台上台下都笑得好開心。

仲有叮叮糖、龍鬚糖，一啖咬落去，情懷即刻返晒嚟。
多謝每一位咁認真配合主題、帶住自己嘅故事嚟到嘅朋友。

一晚好玩，從來唔只因為歌夠經典，
而係因為有人願意帶住一點心思、一份回憶，
同我哋一齊將舊日子，唱成眼前最熱鬧、最溫暖嘅畫面。

#心靈唱遊 #用音樂傾計

Address

Hong Kong

Telephone

+85294059639

Website

Alerts

Be the first to know and let us send you an email when MeloStage｜音樂表演場地．Party Room posts news and promotions. Your email address will not be used for any other purpose, and you can unsubscribe at any time.

Shortcuts

Share

Category