Infleurence花藝設計學院

Infleurence花藝設計學院 國際花藝設計協會IFDA 香港區總校、日本AUBE保鮮花國際協會認證教室。

多間認證教室也是INFLEURENCE 的門生，遍佈香港、台灣、英國、加拿大等地區，已有1500+名學員畢業，成為保鮮花教室的指標。
(222)

花藝資歷，備受肯定

🏆媒體教學:ViuTV,HOYTV, MTR,umagazine,東周刊
🏆香港生產力促進局評選為「優質婚禮商戶」
🏆香港最優秀企業大獎HKMOP2022「年度最優秀專業人氣花藝專門店」
🏆All About Wedding 2022「年度最受歡迎花藝設計大獎」(公司組別）
🏆婚嫁平台Research Wedding2022「年度婚禮花藝佈置大獎」
🏆韓國花藝設計協會IFDA及日本AUBE保鮮花協會證證教室

Let life bloom🌸
教授鮮花、保鮮花、包裝等課程
🏆超過2000名學員
🏆首間引入韓式花藝課程
🏆8年花藝教學經驗

🌸心靈療癒放鬆
🌸花藝美感技巧昇華

學員真實故事❤️「雖然大家隔住大半個地球，可能一年先有機會見到一次……但有啲人，就算見得再少，心入面個位置永遠都會喺度☺️。」早排有一位舊生，帶咗一盆植物過嚟我哋工作室。原來係佢一位住喺外國嘅好朋友送。因為距離，見面嘅機會真係好難得，所以佢...
13/06/2026

學員真實故事❤️

「雖然大家隔住大半個地球，可能一年先有機會見到一次……但有啲人，就算見得再少，心入面個位置永遠都會喺度☺️。」

早排有一位舊生，帶咗一盆植物過嚟我哋工作室。
原來係佢一位住喺外國嘅好朋友送。
因為距離，見面嘅機會真係好難得，
所以佢好想用自己嘅方法，
將呢份心意好好留低。

佢分別來左2次工作室，
第1次好細心咁將植物進行乾燥處理
第2次自己坐咗一個下晝，親手用乾燥好嘅植物製作成玻璃罩花

依家呢份禮物唔會再枯萎啦
將對方最溫暖嘅一刻定格❤️

其實我哋真係好鍾意睇到學員喺度享受整花嘅時光。
成日聽大家話，返到屋企想繼續整花，
但香港衰在屋企空間有限，
好難存放太多花材；
有時想整件小作品，又要特登買埋一堆工具，好似好大負擔咁。

我哋都想為大家做多一步。
所以，特別為【舊生】準備咗一個小空間，
歡迎大家隨時返嚟「自修」同創作：

🌸專業工具都可以隨便借畀你用，唔使自己大包小包搬返屋企。
🌸保鮮花同乾花材都準備好，可以用幾多、剪幾多，唔使再為「屋企邊有地方擺」而煩惱。❤️

想返嚟坐下、整下花嘅舊生，隨時 DM / WhatsApp 我哋啦🤍

#保鮮花 #學員故事 #舊生福利 #自修空間 #手作禮物

11/06/2026

【 30秒精華剪輯 🎬 點解我哋嘅鮮花學員進步得咁快？ secret 喺呢度！👇🏻】

「呢枝花向呢邊移多兩厘米，成個空間感即刻出晒嚟！」

平時其中一個重點，
一定係完成作品後1:1 「作品點評時間」！📢

今次段片淨係節錄咗短短 30 秒，
但其實喺實體課堂上，
我哋會為每一位同學嘅桌上花（Centrepiece）作品，
進行足足 10 分鐘嘅深度點評同修改建議！✨

💡 我哋堅持「1對1 深度修改」嘅原因：
好多人學插花，最驚「上堂跟住老師做就靚，
返到屋企自己插就出事」🙈

所以喺我哋度上堂：
🌸過程中有指導： 實作時隨時幫你執動作、睇角度。
🌸完成後詳細建議： 學員完成作品後，
我哋會逐個「照大鏡」剖析，我哋會親自出手做局部微調示範

✨專屬福利
作品執到最靚之後，我哋仲會幫大家影定高清相機相，
方便大家可以:
❤️累積高質個人 Portfolio 留紀錄
✨對比 Before & After，返屋企睇船張相隨時對照復習！

想體驗最嚴謹、同時又最好玩嘅花藝課？
即刻DM 我哋報名 / 查詢最新課程啦！💌
#花藝課程 #鮮花課程 #花藝導師 #學插花 #插花教學

【 讓生活重新盛開 🌸 新一期夏季鮮花課程】因為人手關係，所以鮮花停咗將近一個月😆呢段時間我地Focus返喺保鮮花恆常課上每一日都收到好多大家對鮮花嘅查詢同期待❤️踏入六月，初夏的氣息越來越濃，我地既鮮花課程亦決定喺呢個充滿活力的季節重新開...
09/06/2026

【 讓生活重新盛開 🌸 新一期夏季鮮花課程】

因為人手關係，所以鮮花停咗將近一個月😆
呢段時間我地Focus返喺保鮮花恆常課上
每一日都收到好多大家對鮮花嘅查詢同期待❤️

踏入六月，初夏的氣息越來越濃，
我地既鮮花課程亦決定喺呢個充滿活力的季節
重新開班啦！✨

今次配圖呢束鮮花，係之前 🌸基礎鮮花學員🌸嘅作品，
零基礎都可以做到咁有線條感😆

知道不少查詢既朋友一直在觀望，或者時間比較難配合，
所以除左常規課程，
我們亦收到很多關於✨「單堂體驗」、
「鮮花花束課程」的查詢。

不論你係零基礎的新手，想親手製作一束花送給重要的人，還是純粹想給自己3個小時的 Me-Time，我地都非常歡迎你！

想了解更多單堂資訊、課課時間或學費？
快啲 DM 我哋了解詳情啦 📩
名額有限，額滿即止❤️！

🏷️ #鮮花課程 #花藝班 #花藝課程 #鮮花花束 #單堂體驗 FlowerClass

好多人問 ——「學完鮮花再學保鮮花，定學保鮮花先再學鮮花好?」🤔其實做鮮花同保鮮花，係截然不同嘅兩種體驗。製作一件保鮮花成品之前，背後要經過好多工序 ——穿刺、包膠帶、開花、上鐵線、處理襯花，每一步都要時間同心機。🥰但偏偏就係呢種比較悠閒、...
19/05/2026

好多人問 ——
「學完鮮花再學保鮮花，
定學保鮮花先再學鮮花好?」🤔

其實做鮮花同保鮮花，
係截然不同嘅兩種體驗。

製作一件保鮮花成品之前，
背後要經過好多工序 ——
穿刺、包膠帶、開花、上鐵線、處理襯花，
每一步都要時間同心機。🥰

但偏偏就係呢種比較悠閒、慢嘅節奏，
對於一啲平時工作壓力大嘅同學嚟講，
佢哋反而會好 enjoy 做保鮮花 ——
因為真係可以放空 relax，
又唔需要趕時間咁樣去製作作品。

你又估下，呢件花品，
學員分開咗幾多日去整？😆

K班小朋友識插花？！🌸🧒🏻👧🏻早前去咗一間幼稚園，教K班小朋友整小花籃🧺呢個活動由老師嘅「花墟專題研習」開始😍由親自買花，到邀請我哋過去做「花藝師職業分享」兼小工作坊🌼一氣呵成！很多人會疑惑：「咁細個，識唔識插花㗎？」坦白講，教小朋友真係唔...
17/05/2026

K班小朋友識插花？！🌸🧒🏻👧🏻

早前去咗一間幼稚園，教K班小朋友整小花籃🧺
呢個活動由老師嘅「花墟專題研習」開始😍
由親自買花，
到邀請我哋過去做「花藝師職業分享」兼小工作坊🌼
一氣呵成！

很多人會疑惑：「咁細個，識唔識插花㗎？」
坦白講，教小朋友真係唔係要佢哋學識幾高深嘅技巧，
更加唔係用大人嘅「靚醜」去衡量。☺️

🎯 我哋志在：
🌸帶畀佢哋多一個生活體驗
🌸了解唔同職業嘅日常
🌸由細薰陶美感與創造力

所以今次幼稚園活動，我哋提供低於成本嘅體驗價。
因為我哋深信，經營一間花店，賺錢以外，
可以為下一代嘅藝術啟蒙出一分力，
更有價值。🥰

自從身兼「媽媽」呢個角色，
我更覺得美感要由細培養。
平時放假，我會同女女畫下畫、
睇 IG reels 搵靈感，一齊用花做手作。
睇住佢透過花朵認識顏色、刺激手指觸感，
嗰種快樂同對藝術嘅好奇心，
真係千金難買🥰

（好啦，其實最開心嗰個好似係我自己 😂
陪小朋友玩手工真係好治癒！）

你哋放假又最鍾意同小朋友做咩活動呢？
留言分享俾我地聽啦😬👇🏻

圖1-3 當日活動
圖4 同個女吹脹膠袋 做印畫
圖5 同個女剪花做花瓶畫😬

#花藝分享 #親子日常 #美感啟蒙 #花藝工作坊 #小小花藝師

Throw back 在 Chloé 門市的3天💚🤍（原諒我每次都要勁夜先有時間post IG🤣)一段花香四溢的母女時光 🌸剛剛過去嘅母親節，好榮幸受Chloé邀請喺三間門市同大家見面🥰除咗親手製作咗近 100 束花禮，最窩心係睇到好多客人...
13/05/2026

Throw back 在 Chloé 門市的3天💚🤍
（原諒我每次都要勁夜先有時間post IG🤣)

一段花香四溢的母女時光 🌸

剛剛過去嘅母親節，好榮幸受Chloé邀請
喺三間門市同大家見面🥰
除咗親手製作咗近 100 束花禮，
最窩心係睇到好多客人帶埋媽媽/ 女兒一齊過嚟參與☺️

部份客人想親自體驗花藝，
我地由點樣挑選花材開始，
手把手教大家親自完成紥花

見到客人由一開始擔心唔識，
到最後拎住作品露出滿意嘅笑容，
仲話「講解好用心、好開心」，
係對呢 100 束花最好嘅回應😆❤️

最後配埋 Chloé 特別設計嘅品牌花袋
（藍綠色花紋真係非常春日又優雅🩵💚🤍）
將呢份親手製作嘅愛帶返屋企。

今次亦用到好多靚花， Peony， Garden Rose，仲有部份唔係好常見嘅小花😍
多謝大家喜愛INFLEURENCE 🫶🏻

#花藝教學 #品牌活動

13/05/2026

買返嚟嘅鳶尾花，養咗2,3日都唔見開 🌱
其實唔係你問題，係你可能少做咗一個動作 👇

鳶尾花嘅花萼外瓣，會緊緊包住整朵花
佢唔係唔想開，係「打唔開門」🥹

✦ 唔好摘走花萼 — 摘咗花莖會變好脆弱
✦ 只需用手指輕輕將花萼向外翻
✦ 翻開之後，花形自然就呈現出嚟 🌸
就係咁簡單，唔需要任何工具
30秒，鳶尾花即刻「醒」過嚟

💬 你試過養鳶尾花嗎？留言話我知係咪成功開到！
🔖 Save 低呢個 tips，下次買花就用得著
📤 Share 俾成日養花養到唔識點算嘅朋友

#鳶尾花 #花藝技巧 #香港花藝課程

Happy Mother’s Day🥳🥳爭啲以為今個母親節要提早再做媽媽🤣好彩最後未需要緊急攞👶🏻出來🥹🥹今日同醫院申請回家渡假一晚，所以，我都可以做返人哋個女，同阿媽食個母親節飯🥳聽朝再返醫院報到💪🏼💪🏼Photography .a7c ...
10/05/2026

Happy Mother’s Day🥳🥳

爭啲以為今個母親節要提早再做媽媽🤣
好彩最後未需要緊急攞👶🏻出來🥹🥹

今日同醫院申請回家渡假一晚，
所以，我都可以做返人哋個女，
同阿媽食個母親節飯🥳
聽朝再返醫院報到💪🏼💪🏼

Photography .a7c
MUA
Earrings
Floral Deco : Infleurence team and our students
(上完堂後，啲deco靚到唔捨得拆😍😍 要好好記錄一下)

好多人問：「我唔係想入行，使唔使讀到課程？」 ❓💭其實系統化學習唔係要框住你， 而係畀你一套「帶得走嘅審美」 ✨唔使再對住啲花盲摸摸、撞彩咁插花， 掌握課程背後嘅基礎功力， 你先可以真正隨心所欲咁創作 🪄。 就算係花墟隨手買返嚟嘅特價花 掌...
06/05/2026

好多人問：「我唔係想入行，使唔使讀到課程？」 ❓💭

其實系統化學習唔係要框住你，
而係畀你一套「帶得走嘅審美」 ✨

唔使再對住啲花盲摸摸、撞彩咁插花，
掌握課程背後嘅基礎功力，
你先可以真正隨心所欲咁創作 🪄。
就算係花墟隨手買返嚟嘅特價花
掌握咗插花底層邏輯之後，
你一樣可以喺🏡屋企插出有空間感嘅花品。

⚠️點揀花藝班先唔會中伏？ 📝

1️⃣ 搵個有實戰經驗嘅導師 👩‍🏫：
我哋嘅導師團隊都有豐富嘅花藝實戰經驗，
由婚禮佈置到商業合作都「落過場」，
教出嚟嘅技巧至夠貼地、唔會同市場脫節 💼。

2️⃣ 拒絕「無效課金」 💸：
買花係一時嘅，技術「升呢」先係真慳錢 🆙。
投資一雙專業嘅審美眼，
比起單純追求平價體驗更實際💪🏼。

3️⃣ 小班制先係王道 👑：
喺我哋尖沙咀嘅工作室，師生比例 1:4 👥。
老師可以即時糾正你嘅手勢，
呢啲魔鬼細節先係開竅嘅關鍵 💡。

無論你想進修花藝，定係初初接觸花藝，
我哋都可以幫助你搵到最適合的起點。

💬 在下方留言 「+1」，
我們 DM 你最感興趣的課程資料。
📥 收藏這篇，下次揀花藝班不中伏。

鮮花雖然生命好短暫，但喺插花嘅過程真係好治癒同完成咗花品嘅滿足感真係好大🥰所以插完花之後，都真係要好好影低佢綻放最靚嘅一刻，咁佢都不枉此生🥹🥹隨時睇相都可繼續欣賞🥰鮮花課程持續招生中，歡迎查詢😆
19/04/2026

鮮花雖然生命好短暫，
但喺插花嘅過程真係好治癒
同完成咗花品嘅滿足感真係好大🥰

所以插完花之後，
都真係要好好影低佢綻放最靚嘅一刻，
咁佢都不枉此生🥹🥹
隨時睇相都可繼續欣賞🥰

鮮花課程持續招生中，歡迎查詢😆

Address

Hong Kong

Telephone

+85290657660

Website

Alerts

Be the first to know and let us send you an email when Infleurence花藝設計學院 posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Infleurence花藝設計學院:

Shortcuts

Share

Category