Arda Promotion and Event

Arda Promotion and Event Contact information, map and directions, contact form, opening hours, services, ratings, photos, videos and announcements from Arda Promotion and Event, Event Planner, Adola Woyu Guji zone Oromia, Kibre Mengist.

አዲስ ነጋዴዎች ስለ VAT ምን ማወቅ አለባቸው?አዶላ ወዩ ጉጂ | ነሐሴ 22 ቀን 2018 ዓ.ምበጉጂ ዞን አዶላ ወዩ ከተማ፣ አዲስ ነጋዴዎችን ወደ ተጨማሪ እሴት ታክስ VAT ለመመዝገብ ስለሚ...
29/08/2026

አዲስ ነጋዴዎች ስለ VAT ምን ማወቅ አለባቸው?
አዶላ ወዩ ጉጂ | ነሐሴ 22 ቀን 2018 ዓ.ም
በጉጂ ዞን አዶላ ወዩ ከተማ፣ አዲስ ነጋዴዎችን ወደ ተጨማሪ እሴት ታክስ VAT ለመመዝገብ ስለሚያስፈልጉ መስፈርቶች፣ ስለ መብትና ግዴታዎቻቸው የግንዛቤ ማስጨበጫ ውይይት ተካሂዷል።
🎙️ የውይይቱ ዋና ትኩረት ምን ነበር?
የግብር አሰራርን ማሻሻል፣ ነጋዴዎች የሚጠበቅባቸውን ግብር በትክክልና በወቅቱ እንዲከፍሉ ማስቻል፣ እንዲሁም በግብር ከፋዮችና በመንግሥት መካከል ያለውን መተማመንና ትብብር ማጠናከር የውይይቱ ዋና ዓላማዎች ነበሩ።
የአዶላ ወዩ ከተማ ገቢዎች ጽሕፈት ቤት ሥራ አስፈጻሚ አቶ ብርሃኑ ኡዶ፣ ነጋዴዎች የVAT ሥርዓትን በትክክል እንዲጠቀሙና የግብር ግዴታቸውን እንዲወጡ ማስቻል የውይይቱ ዋና ዓላማ መሆኑን ገልጸዋል።
እንዲሁም የመንግሥት ገቢ በዘመናዊ ሳይንስና ቴክኖሎጂ አማካኝነት በተሻለ ሁኔታ እንዲሰበሰብ ትኩረት ተሰጥቶ እየተሠራ መሆኑን አመላክተዋል።
የጉጂ ዞን ገቢዎች ጽሕፈት ቤት ኃላፊ አቶ እሸቴ ታሪኩ በበኩላቸው፣ እያንዳንዱ ግብር ከፋይ መብቱንና ግዴታውን ማወቅ፣ የሚጠበቅበትን ግብር በወቅቱና በሕጋዊ መንገድ መክፈል የዜግነት ኃላፊነት መሆኑን ገልጸዋል።
ግብር መክፈል ለምን አስፈለገ?
የግብር ገቢ ለአገር ልማት እና ለሕዝብ አገልግሎት መሠረታዊ ምንጭ በመሆኑ፣ ግብር ከፋዮች ገቢን ከመደበቅ መቆጠብና በሕግ የሚጠበቅባቸውን ግብር በትክክል መክፈል እንዳለባቸው ኃላፊው አስገንዝበዋል።
በውይይቱ የተሳተፉ ነጋዴዎችም ያገኙትን ግንዛቤ በተግባር በማዋል፣ ዘመናዊ ቴክኖሎጂን ተጠቅመው የሚጠበቅባቸውን ግብርና ታክስ በትክክል ለመክፈል ዝግጁ መሆናቸውን ገልጸዋል።

ኢትዮጵያ 13.4 ቢሊዮን ዶላር የዓለም ባንክ ፋይናንስ ልታገኝ ትችላለችአዲስ አበባ — ኢትዮጵያ በቀጣዮቹ 10 ዓመታት ከዓለም ባንክ የ13.4 ቢሊዮን ዶላር የIDA ፋይናንስ ለማግኘት እቅድ ...
15/08/2026

ኢትዮጵያ 13.4 ቢሊዮን ዶላር የዓለም ባንክ ፋይናንስ ልታገኝ ትችላለች

አዲስ አበባ — ኢትዮጵያ በቀጣዮቹ 10 ዓመታት ከዓለም ባንክ የ13.4 ቢሊዮን ዶላር የIDA ፋይናንስ ለማግኘት እቅድ መያዟን አዲሱ የሀገር ሽርክና ማዕቀፍ አመለከተ።
ከ2027 እስከ 2036 የሚቆየው ይህ ማዕቀፍ የፋይናንስ ድጋፉ በሀገሪቱ የማሻሻያ አፈጻጸም፣ በፖሊሲ ውጤት፣ በፕሮጀክት አፈጻጸም አቅም እና በዓለም ባንክ የሚኖረው የIDA ሀብት መጠን መሠረት እንደሚወሰን ገልጿል።
በተለይም የማሻሻያ ሂደቱ ከተዳከመ የፋይናንስ ድጋፉ ሊቀንስ እንደሚችል ሰነዱ አስጠንቅቋል።
በሌላ በኩል፣ ዓለም ባንክ በኢትዮጵያ የሥራ ዕድል ፈጠራን ለማሳደግ የግል ካፒታልን ማሰባሰብ ትኩረት እንዲያገኝ ጠቁሟል። በ10 ዓመታት ውስጥ 10.9 ቢሊዮን ዶላር የግል ካፒታል ለማሰባሰብ የተቀመጠ ግብም አለ።
የአገር ውስጥ የግብር ገቢን ከአሁኑ 8 በመቶ የGDP ድርሻ ወደ 12 በመቶ በአምስት ዓመታት እና 15 በመቶ በ10 ዓመታት ውስጥ ለማድረስ ታቅዷል።
በአሁኑ ወቅት የኢትዮጵያ የዓለም ባንክ ፖርትፎሊዮ ወደ 16 ቢሊዮን ዶላር መሆኑን ሰነዱ አመልክቷል።

የባህር ዳር ከተማ እግር ኳስ ክለብ ተጫዋች የሆነው አንተነህ ተፈራ በዕረፍት ጊዜው በትውልድ ሀገሩ አዶላ ወዩ ከተማ ከወጣቶች ጋር በመቆየት የተጫዋችነት ልምዱንና እውቀቱን አካፍሏል።በሜዳ ላ...
13/08/2026

የባህር ዳር ከተማ እግር ኳስ ክለብ ተጫዋች የሆነው አንተነህ ተፈራ በዕረፍት ጊዜው በትውልድ ሀገሩ አዶላ ወዩ ከተማ ከወጣቶች ጋር በመቆየት የተጫዋችነት ልምዱንና እውቀቱን አካፍሏል።
በሜዳ ላይ ኳስ ከመጫወት ባለፈ፣ ከወጣቶች ጋር በመጫወት የጨዋታ ሕጎችን፣ ስልቶችንና የተጫዋችነት ልምዶችን ሲያካፍል ቆይቷል። ይህም በአካባቢው ያሉ ወጣት ተጫዋቾች ችሎታቸውን እንዲያዳብሩና የስፖርት ሕልማቸውን እንዲከተሉ ማበረታቻ ሆኗል።ለወጣቶች ባደረገው አስተዋፅኦ እና ላካፈለው የስፖርት ልምድ የአዶላ ወዩ ከተማ አስተዳደር የህዝብ ጉዳይ አደረጃጀት ጽሕፈት ቤት ከጌሬ ፋያ ቡድን ጋር በመተባበር ለአንተነህ የእውቅናና የሽልማት ሥነ-ሥርዓት አካሂዷል።የጽሕፈት ቤቱ ኃላፊ ወ/ሮ ገነት አኖሌ፣ አንተነህ ተፈራ ልጃችን አምባሳደር ሆኖ ወደ አዶላ ወዩ በመምጣት የዕረፍት ጊዜውን ከወጣቶች ጋር በማሳለፍ ልምዱንና እውቀቱን ማካፈሉን ገልጸዋል።አንተነህ በቅርቡ ወደ ባህር ዳር በመመለስ ከቡድኑ ጋር ዝግጅት እንደሚያደርግ ይጠበቃል።
አንድ ተጫዋች በሜዳ ያስመዘግበው ድል በውጤት ይለካል፤ ለቀጣዩ ትውልድ የሚያስተላልፈው ልምድ ግን በአሻራ ይታወሳል።

በጉጂ ዞን ከ1.9 ሚሊዮን በላይ ችግኞችን በአንድ ቀን ለመትከል ዝግጅት ተጠናከረጉጂ ዞን፣ ሐምሌ 31/2018 ዓ.ም.በጉጂ ዞን በ2018 ዓ.ም. ሐምሌ 27 ቀን "ተስፋን እንትከል" በሚል መ...
31/07/2026

በጉጂ ዞን ከ1.9 ሚሊዮን በላይ ችግኞችን በአንድ ቀን ለመትከል ዝግጅት ተጠናከረ
ጉጂ ዞን፣ ሐምሌ 31/2018 ዓ.ም.
በጉጂ ዞን በ2018 ዓ.ም. ሐምሌ 27 ቀን "ተስፋን እንትከል" በሚል መሪ ቃል በአንድ ቀን ከ1.9 ሚሊዮን በላይ የተለያዩ ዝርያዎች ችግኞችን ለመትከል የተዘጋጀውን የአረንጓዴ አሻራ መርሃ ግብር በተሳካ ሁኔታ ለማከናወን ከዞን ደረጃ ባለድርሻ አካላት ጋር የምክክርና የዝግጅት ግምገማ ተካሂዷል።
መድረኩን የመሩት የጉጂ ዞን ምክትል አስተዳዳሪ ክቡር አቶ ታደሰ ቡዙና እና የብልጽግና ፓርቲ ጉጂ ዞን ቅርንጫፍ የፖለቲካ ዘርፍ ኃላፊ አቶ ሆክሴሳ ባላኮ ሲሆኑ፣ የታቀደውን ግብ ለማሳካት በየደረጃው ያሉ አመራሮችና ባለድርሻ አካላት ሕብረተሰቡን በሰፊው በማሳተፍ አስፈላጊውን ቅድመ ዝግጅት እንዲያጠናቅቁና በዕለቱ የተጣለባቸውን ኃላፊነት በብቃት እንዲወጡ አሳስበዋል።
በውይይቱ ላይ በሁሉም የዞኑ ወረዳዎች የችግኝ ተከላው በተቀናጀ መንገድ እንዲከናወን፣ የሕዝብ ተሳትፎን በማጠናከር እና የተቋማትን ቅንጅታዊ ሥራ በማሻሻል የታቀደውን ግብ ማሳካት እንደሚቻል ተጠቁሟል።
በማጠቃለያም የጉጂ ዞን ነዋሪዎች በአንድነት በመሰለፍ በችግኝ ተከላው እንዲሳተፉና ለአረንጓዴ ልማት የራሳቸውን አሻራ እንዲያኖሩ ጥሪ ቀርቧል። እንዲሁም ሁሉም ባለድርሻ አካላት ለዘመቻው ስኬት የሚጠበቅባቸውን ሙሉ ድጋፍና ትብብር እንዲያደርጉ አቅጣጫ ተሰጥቷል።

የDSA አገልግሎቶችን ዲጂታላይዝ በማድረግና የሰንበት ገበያ በማቋቋም አዶላ ወዩ አርአያ ከተማ ሆናለች ፡፡ሰኔ 11/2018 ዓ.ም. | አዶላ ወዩ ጉጂ ዞን በአዶላ ወዩ ከተማ አስተዳደር የንግ...
18/06/2026

የDSA አገልግሎቶችን ዲጂታላይዝ በማድረግና የሰንበት ገበያ በማቋቋም አዶላ ወዩ አርአያ ከተማ ሆናለች ፡፡
ሰኔ 11/2018 ዓ.ም. | አዶላ ወዩ ጉጂ ዞን
በአዶላ ወዩ ከተማ አስተዳደር የንግድ፣ ሥራ ፈጠራና ኢንቨስትመንት ጽሕፈት ቤት የDSA አገልግሎቶችን ወደ ዲጂታል ሥርዓት በመቀየር እና የሰንበት ገበያ በማቋቋም የላቀ ውጤት በማስመዝገብ ከተማዋን በዘርፉ አርአያ ከተማ ማድረጉ ተገለጸ። የጽሕፈት ቤቱ ኃላፊ እንደገለጹት፣ የDSA አገልግሎቶችን ዲጂታላይዝ ማድረጉ የአገልግሎት ፍጥነትን፣ ግልጽነትንና ተጠያቂነትን በማሳደግ ለነጋዴዎችና ለህብረተሰቡ ቀልጣፋ አገልግሎት እንዲያገኙ አስችሏል።
በተጨማሪም በከተማዋ የተቋቋመው የሰንበት ገበያ ለአምራቾችና ለሸማቾች የገበያ ትስስር በመፍጠር የአካባቢውን ኢኮኖሚያዊ እንቅስቃሴ ለማጠናከር አስተዋፅኦ እያበረከተ መሆኑ ተጠቁሟል።
በዚሁ አጋጣሚ የንግድ ልማት ስትራቴጂ ማጠናቀቂያ መርሃ ግብር የተካሄደ ሲሆን፣ በTMD ፕሮግራም ስር የላቀ አፈፃፀም ላሳዩ ነጋዴዎች የእውቅናና የሽልማት ፕሮግራም ተካሂዷል። የንግድ፣ ሥራ ፈጠራና ኢንቨስትመንት ጽሕፈት ቤቱ እንደገለጸው፣ በቀጣይም የንግድ አገልግሎቶችን በቴክኖሎጂ ለማዘመንና የገበያ ተደራሽነትን ለማስፋት የተጀመሩ ሥራዎች ተጠናክረው እንደሚቀጥሉ ተመላክቷል።
የመረጃው ምንጭ ፡የአዶላ ውዩ ኮሚኒኬሽን ፌስቡክ ገፅ ነው
ናታን ዘ ዳሪክ
11-10-2018 ዓ.ም

ሰኔ 10/2018 ዓ.ምበአዶላ ወዩ ከተማ ኦዳ ዶላ ቀበሌ አንድ ግለሰብ ከአንድ ነዋሪ ቤት ፊት ለፊት የቆመችውን የአፓቼ ሞተር ሳይክል ሰርቆ ለማምለጥ ሲሞክር የአካባቢው ንቁ ህብረተሰብ በ...
17/06/2026

ሰኔ 10/2018 ዓ.ም
በአዶላ ወዩ ከተማ ኦዳ ዶላ ቀበሌ አንድ ግለሰብ ከአንድ ነዋሪ ቤት ፊት ለፊት የቆመችውን የአፓቼ ሞተር ሳይክል ሰርቆ ለማምለጥ ሲሞክር የአካባቢው ንቁ ህብረተሰብ በፍጥነት ተከታትሎ ከቦ በመያዝ ለህግ አስረክቧል።ተጠርጣሪው በተደረገለት ቃለ መጠይቅ ከሌላ አካባቢ መጥቶ ድርጊቱን እንደፈፀመ መናገሩ ተገልጿል። በተጨማሪም ከዚህ በፊት ከ13 በላይ ሞተር ሳይክሎችን እንደሰረቀ መናገሩ ተሰምቷል።
ይህ ክስተት ህብረተሰቡ ንቁ እና ተባባሪ ሲሆን ወንጀልን መከላከል እንደሚቻል ያሳያል። የአካባቢው ነዋሪዎች በተለይ እንግዳ እና አዲስ ፊቶችን በጥንቃቄ በመከታተል የአካባቢያቸውን ሰላም ማስጠበቅ እንዳለባቸው ተገልጿል።
"አዶላ ወዩ ኦዳ ዶላ ቀበሌያችን ለሌቦች መሸሸጊያ አይደለችም!"በማለት የአካባቢው ህዝብ ላሳየው ንቃትና ትብብር ትልቅ ምስጋና ይገባዋል በማለት የቀበሌ ሊቀ መንበር የሆኑት የተከበሩ አቶ ጅማል ጉራቻ ተናግረዋል ።

ብሪታንያና ቻይና ግንኙነታቸውን እያደሱ ነው!ምዕራባውያን ለምን ቻይናን እንደገና ይፈልጋሉ? አፍሪካና ኢትዮጵያስ ምን ይጠብቃቸዋል?ከብዙ ዓመታት የቀዘቀዘ የዲፕሎማሲ ግንኙነት በኋላ፣ ብሪታንያ...
03/06/2026

ብሪታንያና ቻይና ግንኙነታቸውን እያደሱ ነው!
ምዕራባውያን ለምን ቻይናን እንደገና ይፈልጋሉ? አፍሪካና ኢትዮጵያስ ምን ይጠብቃቸዋል?
ከብዙ ዓመታት የቀዘቀዘ የዲፕሎማሲ ግንኙነት በኋላ፣ ብሪታንያና ቻይና እንደገና ወደ ቅርብ ግንኙነት እየተመለሱ ነው። የብሪታንያ የውጭ ጉዳይ ሚኒስትር የቬት ኩፐር በቤጂንግ ያደረጉት ጉብኝት፣ በምዕራባውያንና በቻይና መካከል አዲስ የኃይል ሚዛን እየተፈጠረ መሆኑን ያሳያል።
ብሪታንያ ጠቅላይ ሚኒስትር ኪር ስታርመር በዚህ ዓመት መጀመሪያ ቻይናን ከጎበኙ በኋላ፣ አሁን ደግሞ የውጭ ጉዳይ ሚኒስትሯ በቤጂንግ ከፍተኛ ውይይቶች እያደረጉ ነው። ሁለቱ አገራት በንግድ፣ በኢነርጂ፣ በAI ቴክኖሎጂ እና በአረንጓዴ ኃይል ዙሪያ ግንኙነታቸውን ለማጠናከር እየተንቀሳቀሱ ነው።
ይህ ለምን አሁን ተፈጠረ?
ዋናው ምክንያት የዓለም ኢኮኖሚ ለውጥ እና የአሜሪካ-ቻይና ውጥረት ነው። በፕሬዝዳንት ዶናልድ ትራምፕ መንግስት ስር አሜሪካ ከብዙ አጋሮቿ ጋር ያላት ግንኙነት እየተወዛወዘ ሲሆን፣ አውሮፓ ደግሞ ለኢኮኖሚዋ እና ለኢነርጂዋ አዲስ አማራጭ እየፈለገች ነው።
ቻይና ዛሬ በዓለም ላይ በኤሌክትሪክ መኪና፣ በሶላር ኃይል፣ በባትሪ ቴክኖሎጂ፣ በAI እና በማኑፋክቸሪንግ ዘርፍ ትልቅ ኃይል ሆናለች። ምዕራባውያንም ከቻይና ውጭ ኢኮኖሚያቸውን ማስኬድ እጅግ አስቸጋሪ መሆኑን እያዩ ነው።
ይህ በአፍሪካ ላይ ምን ተፅዕኖ ያመጣል?
አፍሪካ በዚህ አዲስ የዓለም ኃይል ፉክክር መሀል ዋና የትኩረት ቦታ እየሆነች ነው። ቻይና ከዚህ በፊትም በአፍሪካ መንገዶች፣ ባቡሮች፣ ፋብሪካዎችና ኢነርጂ ፕሮጀክቶች ላይ ትልቅ ኢንቨስትመንት አድርጋለች።
አሁን ግን ብሪታንያና አውሮፓ ከቻይና ጋር እየተቀራረቡ መምጣታቸው፣ አፍሪካ በንግድና በቴክኖሎጂ ዘርፍ አዲስ እድሎች ሊከፈቱላት ይችላሉ።
በተለይ: • የአረንጓዴ ኃይል ፕሮጀክቶች ሊጨምሩ ይችላሉ
• የቻይና ፋብሪካዎች ወደ አፍሪካ ሊዘዋወሩ ይችላሉ
• የአፍሪካ ማዕድናት እና የኃይል ሀብቶች የበለጠ ፍላጎት ሊያገኙ ይችላሉ
• የAI እና የዲጂታል ቴክኖሎጂ ትብብር ሊሰፋ ይችላል
ኢትዮጵያ ምን ትጠብቅ?
ኢትዮጵያ ከቻይና ጋር ጠንካራ የኢኮኖሚ ግንኙነት ካላት የአፍሪካ አገራት አንዷ ናት። የአዲስ አበባ-ጅቡቲ ባቡር፣ ኢንዱስትሪ ፓርኮች፣ የቴሌኮም መሠረተ ልማቶች እና የመንገድ ፕሮጀክቶች በቻይና ድጋፍ የተገነቡ ናቸው።አሁን ብሪታንያና ምዕራባውያን ከቻይና ጋር የሚፈጥሩት አዲስ ትብብር፣ ለኢትዮጵያም እድል ሊፈጥር ይችላል።በተለይም በአረንጓዴ ኃይል እና በሶላር ፕሮጀክቶች አዲስ ኢንቨስትመንት ፤በኢንዱስትሪ ዘርፍ የቻይና ኩባንያዎች መስፋፋት፤ ለቡና፣ ለግብርና ምርቶችና ለማዕድናት የተሻለ የገበያ እድል፤በAI እና በዲጂታል ቴክኖሎጂ አዲስ ትብብር ሊከሰት ይችላል በማለት ይናገራሉ፡፡ነገር ግን ተንታኞች እንደሚሉት፣ አፍሪካ እና ኢትዮጵያ በታላላቅ ኃያላን መካከል የፉክክር መድረክ እንዳይሆኑ በጥንቃቄ መንቀሳቀስ ይኖርባቸዋል።
ዓለም አዲስ የኢኮኖሚና የፖለቲካ ዘመን ውስጥ እየገባች ነው። ምዕራባውያን ከቻይና ጋር ያላቸውን
ግንኙነት እንደገና ማደስ መጀመራቸው፣ የዓለም ኃይል ሚዛን በፍጥነት እየተቀየረ መሆኑን ያሳያል።
ለአፍሪካና ለኢትዮጵያ ይህ ትልቅ እድል ሊሆን ይችላል፤ ነገር ግን ከኢኮኖሚ ትብብር ጋር የፖለቲካ ጫናና የውጭ ተፅዕኖ እንዳይጨምር ብልህ የዲፕሎማሲ አቅጣጫ ያስፈልጋል።
ለተጨማሪ የዓለም ፖለቲካ፣ ኢኮኖሚ እና የአፍሪካ ትንታኔዎች ገጹን ይከታተሉ።

“ሌክቸረሯን በፍቅር ያሸነፈው ሴኩሪቲ!” — በኡጋንዳ መሃል መንገድ የተደረገው ፕሮፖዝ ሚሊዮኖችን አስደንቋልArda Promotion & Events 19-09-2018በኡጋንዳ አንድ አስደናቂ የፍ...
27/05/2026

“ሌክቸረሯን በፍቅር ያሸነፈው ሴኩሪቲ!” — በኡጋንዳ መሃል መንገድ የተደረገው ፕሮፖዝ ሚሊዮኖችን አስደንቋል

Arda Promotion & Events 19-09-2018

በኡጋንዳ አንድ አስደናቂ የፍቅር ታሪክ በማህበራዊ ሚዲያ ትልቅ ትኩረት ስቧል። አንድ የጥበቃ ሰራተኛ በአውራ ጎዳና መሃል ተንበርክኮ፣ ለሚያፈቅራት የዩኒቨርሲቲ መምህር የጋብቻ ጥያቄ አቅርቧል።

በወቅቱ የትራፊክ እንቅስቃሴ ለአጭር ጊዜ የቆመ ሲሆን፣ መኪና አሽከርካሪዎችና ፖሊሶች በደስታ በማጨብጨብ ትዕይንቱን አድንቀዋል።

ወጣቱ ለ2 ዓመታት ያህል በምሽት የመምህርቷን መኖሪያ ቤት እንዲጠብቅ ተመድቦ እንደነበር ተነግሯል። በዚህ ጊዜ ውስጥ ግንኙነታቸው ወደ ፍቅር መቀየሩ ተገልጿል።

የዩኒቨርሲቲ መምህሯ የጋብቻ ጥያቄውን በደስታ ከተቀበለች በኋላ፣ ፍቅረኛዋ ትምህርቱን እንዲቀጥል ድጋፍ እንደምታደርግለት ቃል መግባቷም ተነግሯል።

ከ176 ሺህ ሄክታር በላይ መሬት በልማት ስር” — ምሥራቅ ቦረና የኢትዮጵያን የምግብ ራስን መቻል ህልም እውን እያደረገ ነውበምሥራቅ ቦረና ዞን እየታየ ያለው የግብርና ትራንስፎርሜሽን፤ ኢትዮ...
27/05/2026

ከ176 ሺህ ሄክታር በላይ መሬት በልማት ስር” — ምሥራቅ ቦረና የኢትዮጵያን የምግብ ራስን መቻል ህልም እውን እያደረገ ነው

በምሥራቅ ቦረና ዞን እየታየ ያለው የግብርና ትራንስፎርሜሽን፤ ኢትዮጵያ ወደ ምግብ ራስን መቻል እያደረገች ያለችውን ጉዞ በተጨባጭ የሚያረጋግጥ ልማታዊ ምሳሌ ሆኗል።

በዞኑ በዚህ የምርት ዘመን ብቻ ከ176 ሺህ 223 ሄክታር በላይ መሬት በእርሻ ልማት ስር የዋለ ሲሆን፤ ከ3 ነጥብ 1 ሚሊዮን ኩንታል በላይ ምርት እንደሚገኝ ተጠቁሟል። በልማቱ ከ101 ሺህ በላይ አርሶ አደሮች እና እማወራዎች በንቃት ተሳትፈዋል።

የዘመናዊ ትራክተሮች አጠቃቀምና በክላስተር እርሻ የተደራጀ አሰራር፤ የአካባቢውን እምቅ አቅም ወደ ከፍተኛ ምርታማነት እየቀየረው መሆኑ ተገልጿል።

በተለይም በሊበን ወረዳ የሚገኙ ሰፋፊ የስንዴ ክላስተር እርሻዎች እንዲሁም የጤፍ፣ የበቆሎ እና የቦሎቄ ምርቶች የተመዘገበው ውጤት፤ ኢትዮጵያ የሀገር ውስጥ የምግብ አቅርቦቷን ለማረጋገጥ እያደረገች ያለው ጥረት ውጤታማ መሆኑን በግልጽ ያሳያል።
ምንጭ ፡Abiy Ahmed Ali page

በጉጂ ዞን ለህዝብ ጥቅም የተገነቡ 207 ፕሮጀክቶች ለምረቃ ተዘጋጁ!የኦሮሚያ ክልል መንግስት የህዝብን ተጠቃሚነት ለማረጋገጥ በተለያዩ የልማት ፕሮጀክቶች እየሰራ መሆኑን የጉጂ ዞን አስተዳዳሪ...
22/05/2026

በጉጂ ዞን ለህዝብ ጥቅም የተገነቡ 207 ፕሮጀክቶች ለምረቃ ተዘጋጁ!
የኦሮሚያ ክልል መንግስት የህዝብን ተጠቃሚነት ለማረጋገጥ በተለያዩ የልማት ፕሮጀክቶች እየሰራ መሆኑን የጉጂ ዞን አስተዳዳሪ ክቡር አቶ ነጋሽ ቡላላ ገለፁ።
በዚህ መሠረት በጉጂ ዞን ውስጥ በተለያዩ ወረዳዎች በዚህ ዓመት ሲገነቡ የነበሩ ለህዝብ ጥቅም የሚውሉ ፕሮጀክቶች ለምረቃ ዝግጁ ሆነዋል።
እንደ አቶ ነጋሽ ገለፃ፣ ፕሮጀክቶቹ በጥራትና በተያዘላቸው ጊዜ ተጠናቀው ለአገልግሎት እየቀረቡ ሲሆን ህብረተሰቡም ከተጀመረው የልማት ለውጥ ተጠቃሚ መሆን ጀምሯል ብለዋል።
በ2018 ዓ.ም ብቻ በመንግስት በጀትና በዜጎች አገልግሎት 450 ፕሮጀክቶችን በ4.1 ቢሊዮን ብር ለማከናወን ታቅዶ እስካሁን 207 ፕሮጀክቶች ከ2.5 ቢሊዮን ብር በላይ ወጪ ተጠናቀው ለምረቃ መዘጋጀታቸው ተገልጿል።
📌 እነዚህ ፕሮጀክቶች በቅርቡ በመጀመሪያ ዙር ተመርቀው ለህዝብ አገልግሎት ክፍት ይሆናሉ ተብሏል።

Address

Adola Woyu Guji Zone Oromia
Kibre Mengist

Website

Alerts

Be the first to know and let us send you an email when Arda Promotion and Event posts news and promotions. Your email address will not be used for any other purpose, and you can unsubscribe at any time.

Shortcuts

Share

Category