አርቲስት መሆን ለሚፈልጉ

28/07/2026

ጥበብን ወደ ከፍታዋ እንመልስ!
ታዳሚንና ራሱን የሚያከብር የጥበብ ሙያተኛ እንፍጠር!

15/07/2026

አልጠገብንም ጣመን ድገሙን ለራቅነው ቅረቡን ባላችሁት መሰረት "መልቲ" የተሰኘውን ኮሜዲ ቴአትራችንን ደግመን ቀርበን በአለም ሲኒማ ሀምሌ 13 ቀን ከ 11:30 ጀምሮ በደማቅ ሁኔታ እናስመርቃለን!!!!!!
የ VIP ቲኬትዎን በዚህ አካውንት 1000606007233 ቴዎድሮስ ሸዋንግዛው (CBE) ቀድመው ይግዙ ስክሪን ሻቱን inbox ሲያደርጉ መግቢያ ትኬቱን መልሰን እንልክልዎታለን!!!!!

ዋጋው 1000 ብር
ማሳሰቢያ:- 1000 ብር አነሰ ካሉ መጨመር ይችላሉ😂😂😂😂 (ኮሚቴው)

21/04/2026

እባካችሁ የምንችለውን ሁሉ እናድርግ እና የሳቂታውን ሳቅ እንመልስ!!!!!!!!!!
ኢትዮጵያዊያን ድኜ እስክነሳ ልጆቼን ደግፉልኝ!💔🙏 #ሁላችንንም በሳቅ ሲያዝናና የቆየው ተወዳጁ ኮሜዲያን በረከት በቀለ (ፍልፍሉ) በአሁኑ ወቅት በጤና እክል ምክንያት በሆስፒታል አልጋ ላይ ሆኖ ለሁላችሁም የሚከተለውን ልብ የሚነካ መልዕክት አስተላልፏል።

ፍልፍሉ ካለፈው እሁድ ጀምሮ ከልጆቹ ጋር በዓልን ለማሳለፍ ቢመኝም፣ በህመሙ ምክንያት ሳይሳካለት ቀርቷል።

"አሁን መቆምም ሆነ መራመድ አልችልም። ካልተንቀሳቀስኩና ካልተራመድኩ ልጆቼን ማስተዳደር አልችልም" የሚለው ስጋቱ የሁላችንንም ልብ ይሰብራል።

ዛሬ ብፁዕ አቡነ መቃርዮስ ፍልፍሉ የሚገኝበት ሆስፒታል በመሔድ ጸሎት አድርገውና ለመላው ኢትዮጵያውያንና ኤርትራውያን ምእመናን አግዙት የሚል መልእክት አስተላልፈዋል።

በአሁኑ ወቅት በዶክተሮች ክትትል ስር ሆኖ የሁላችንንም ድጋፍና ፀሎት ይሻል።ፍልፍሉን በገንዘብ ለመደገፍም ሆነ በፀሎታችሁ ለማሰብ ለምትፈልጉ ከታች ባለው አካውንት መደገፍ ይቻላል።

የኢትዮጵያ ንግድ ባንክ CBE ፦ 1000374461315
በረከት በቀለ

እኛም ፈጣሪ ለተወዳጁ አርቲስታችን ፍጹም ጤናን እንዲሰጠውና ወደ ልጆቹና ወደ ስራው እንዲመልሰው እንመኛለን። ይህን መረጃ በማጋራት (Share በማድረግ) ለደጋፊዎቹ እና ለወዳጆቹ እናድርስ።

#በረከትበቀለ #ፍልፍሉ #ጤና #ኢትዮጵያ #ድጋፍ #እርዳታ

15/04/2026

ለድምፃዊ ቴዎድሮስ ካሳሁን(ቴዲ አፍሮ) መልካም ምኞታችንን እየተመኘን በድርጅታችን ሰዋሰው መልቲሚዲያ እና በድምፃዊው በኩል የነበረው ውል የተቋረጠው በስምምነት መሆኑን እና ግንኙነታችን ዛሬም እጅግ ጤነኛ መሆኑን ለመግለፅ እንወዳለን፡፡

ድምጻዊ ቴዎድሮስ ካሳሁን (ቴዲ አፍሮ) ከረጅም አመታት በኋላ "ኢቶሪካ" በሚል መጠሪያ ይዞት የመጣው አልበም ሊለቀቅ በተቃረበበት ወቅት በድምጻዊውና በድርጅታችን ሰዋሰው መልቲሚዲያ መካከል የነበረው ውል መቋረጡ የሚታወስ ነው፡፡

በዚህም ከሰሞኑ ድምፃዊ ቴዲ አፍሮ ከሰዋሰው ጋር የነበረውን ውል ማፍረሱን የተመለከቱ መረጃዎች ሲወጡ ቆይተዋል፡ በዚህም ምክንያት በርከት ባሉ የድምጻዊ ቴዲ አፍሮ አድናቂዎችና በድርጅታችን ሰዋሰው መልቲሚዲያ ወዳጆች ዘንድ ቅሬታን ፈጥሯል፡፡ይህንን ተከትሎ ድርጅታችን ስለተፈጠረው ነገር ማብራሪያ ለመስጠት ተገዷል፡፡

ድምጻዊ ቴዲ አፍሮና ሰዋሰው መልቲሚዲያ የአብሮ መስራት ውል የተፈራረሙት ከአልበሙ የመለቀቅ ዜና በኋላ ሳይሆን ከዛሬ 3 አመት ከ8 ወር በፊት ሲሆን ድምጻዊ ቴዲ አፍሮ ደግሞ የአልበም ስራውን አጠናቆ ለማስረከብ የአንድ አመት ጊዜ ወስዶ ነበር።

ሆኖም ድምጻዊው በነዚህ ጊዜያት ወስጥ የአልበም ስራውን ለማጠናቀቅ የወሰደውን ተጨማሪ ጊዜ በመረዳት መልቲሚዲያችን በትዕግስት ሲጠብቀው ቆይቷል፡፡

ከዚህ ሁሉ ግዜ በኋላ ድምጻዊ ቴዲ አፍሮ እና ሰዋሰው የነበራቸው ውል የተቋረጠው በሌላ የውል ማሻሻያ ሃሳብ እንጂ እንደሚባለው በነበረው የቀደመ ውል ላይ አለመግባባት ተፈጥሮ አይደለም፡፡

ከሰሞኑ ከሚናፈሱት የተሳሳቱ መረጃዎች ውስጥ አንዱ "ውሉ የፈረሰው ድምጻዊ ቴዲ አፍሮ ሊለቀው ካዘጋጀው አልበም ውስጥ ሰዋሰው እንዳይካተቱ የሚፈልጋቸው ስራዎች አሉ" የሚለው አንዱ ነው፡፡

ይሁን እንጂ ድርጅታችን ይህ ፈጽሞ የተሳሳተ መረጃ መሆኑን ለመግለፅ ይወዳል ፣ በተጨማሪም ከድምፃዊው ጋር በሙዚቃዊ ይዘት ላይ ተነጋግረን ካለማወቃችን በላይ ሰዋሰው የድምጻዊ ቴዲ አፍሮን አዲስ አልበም እስካሁን አዳምጦ እንደማያውቅ ለማረጋገጥ እንወዳለን፡፡

ለስምምነቱ መቋረጥ በምክንያትነት የተወሰደው ጉዳይ በተለምዶ ሲ አር ቢ ቲ (CRBT) ተብሎ የሚታወቀው የመጥሪያ ድምጽ ማሳመሪያ ጉዳይ "በማን ይሁን?" የሚል መከራከሪያና የሃሳብ ልዩነት መፍጠሩ አንደኛው ሲሆን፡፡

በውሉ መሰረት የ ሲ አር ቢ ቲ (CRBT) መብት የሰዋሰው የተሰጠ ሲሆን መልቲሚዲያው ከድምጻዊ ቴዲ አፍሮ ጋር በተፈጠረው የሃሳብ ልዩነት ብቻ ላለመራራቅ ሌላ መፍትሄ ይዞ ቀርቦ ነበር፡፡ ይህም የድምፃዊ ቴዲ አፍሮ የቀደሙት ስራዎች በሰዋሰው መተግበሪያ ላይ ተጭነው ተጨማሪ ክፍያ ለድምፃዊው ለመክፈል የሚል ሃሳብ ቢቀርብም የአማራጭ ሃሳቡን ድምፃዊው ሳይቀበለው ቀርቷል፡፡

በአንጻሩ ከድምጻዊ ቴዲ አፍሮ በኩል ሌላ መፍትሄ ቀርቧል መፍትሄውም" የአልበሙ ከፊል ሙዚቃዎች በድምጻዊ ቴዲ አፍሮ ዩቲዩብ ቻናል፤ ቀሪዎቹ ደግሞ በሰዋሰው መልቲሚዲያ ይለቀቁ" የሚል ነበር ይህን ደግሞ ሰዋሰው መልቲሚዲያ ሃሳቡን ሳይስማማበት ቀርቷል፡፡

ድምጻዊ ቴዲ አፍሮና የሰዋሰው የስራ ግንኙነት ሂደቱ እስከዚህ ደረጃ ቢሆንም ድምጻዊ ቴዲ አፍሮ ለሰዋሰው መልቲሚዲያ የ3 አመት ከ8 ወር ወለድን ጨምሮ ክፍያ መልሷል ፤ በዚህም ምንም አይነት ያለመግባባት እንዳልተፈጠረ ለማረጋገጥ እንወዳለን፡፡

ሰዋሰው መልቲሚዲያ ድምጻዊ ቴዎድሮስ ከሳሁን (ቴዲ አፍሮ) በነገው እለት ለሚለቀው ‘ኢቶሪካ’ ለተሰኘ አዲስ አልበም መልካም ምኞታችንን እየገለፅን፤እንዲሁም እስካሁን ስለነበረን መልካም የስራ ግንኙነት ምስጋና ለማቅረብ እንወዳለን፡፡
ሰዋስው መልቲሚዲያ

15/04/2026

ሰዋ ሰው ምንድነው ታዲያ ያጠፋው?
**********************
ድምጻዊ ቴዎድሮስ ካሳሁን ( ቴዲ አፍሮ ) ከሰዋሰው መልቲሚዲያ ጋር ውሉን ሲያፈርስ ሰዋሰው ለአልበሙ ሊከፍል ከተስማሙት ብር 50 ሚሊዮን 50% የወሰደውን 25 ሚሊዮን + የ4 ዓመት የባንክ ወለድ = ብር 33 ሚሊዮን ለሰዋሰው መልሷል ።

24/03/2026

ጋዜጠኛ እና ደራሲ ቴዎድሮስ ተ/ አረጋይ Tewodros Teklearegay እንዲህ ብሏል:-

"ከ Tigist Waltenigus ጋር
'ምን ላድርግ ?' የተባለ አዲስ መጽሐፍ ለማዘጋጀት ጉዞ ጀምረናል
👉 ሀሳብ እንድትሰጡን እንፈልጋለን ።
*****************************************************
፦ " ? " 14ኛው ዕትም በዚህ ሳምንት ወደ ህትመት ይገባል ።

ከሚያስፈልገው በታች ፣ ከጠበቅነው በላይ የታተመው " ምን ሆኛለሁ ? " አሁንም ገና ቤተሰብዎ ሆኖ አብሮዎት መኖሩን ይቀጥላል ። አነጋጋሪነቱ ፣ ተፈላጊነቱ ገና በየቤቱ ይዳረሳል ። በ " ምን ሆኛለሁ ? " ብዙዎች ተጠቅመውበታል ። ማንነታቸውን ፈትሸውበታል ፤ ትዳራቸውን አድሰውበታል ፤ የልጆቻቸውን አስተዳደግ ፈትሸውበታል ፤ በብዙ ተጠቅመውበታል ፤ ራሳቸው እንደነገሩን ። የብዙዎች አስተያየት ቀጣይ መጽሐፍ ማዘጋጀት እንደሚያስፈልግ ነው ። እውነት ለመናገር ከቲጂ ጋር ስለ 2ኛው መጽሐፍ ያሰብነው ገና " ምን ሆኛለሁ ? " ከመታተሙ በፊትም ነው ። የአንባቢያን ግፊት ደግሞ ይበልጥ ጉልበት ሆኖናል ።

ቀጣዩን መጽሐፍ " ምን ላድርግ ? " የሚል ጊዜያዊ ርዕስ እና የሽፋን ምስል ሰጥተነዋል ። " ጊዜያዊ " ማለት አስፈላጊ ሆኖ ሲገኝ የሚቀየር ማለት ነው ። እናም " ምን ሆኛለሁ ? " ን ያነበቡ ሰዎች " ' ምን ሆኛለሁ ? ' ውስጤን እንዳይ አድርጎኛል ። በችግር ( ህመም ) ውስጥ እንዳለሁ ተሰምቶኛል ። ግን ቀጥሎ ምን ላድርግ ? " ሲሉ በተደጋጋሚ ጠይቀውናል ። " ምን ላድርግ ? " ከተደጋጋሚ የ " ምን ሆኛለሁ ? " አንባቢያን አስተያየት የተገኘ ስያሜ ነው ። " ምን ላድርግ ? " በቀጥታ የ " ምን ሆኛለሁ ? " ተከታይ አይደለም ። ግን ደግሞ " ምን ሆኛለሁ ? " ላይ ያሉ አንዳንድ ታሪኮች ከስነልቦና ምክክር በኋላ የደረሱበትን እናይበታለን ። ለሌሎችም ስነልቦናዊ የ " ምን ላደርግ ? " ጥያቄያቻችን ምላሽ እናገኝበታለን ብለን እናምናለን ። " ምን ላድርግ ? " በአመዛኙ መፍትሄ ሰጪ መጽሐፍ ነው ።

" ምን ላድርግ ? " ራሱን ችሎ የሚቆም መጽሐፍ ነው ። " ምን ሆኛለሁ ? " ን ያላነበበ " ምን ላድርግ ? " ን ቢያነብ ምንም አይጎድልበትም ። " ምን ሆኛለሁ ? " ን ቢያገኘው ግን ይበልጥ ሙሉ ይሆንለታል ። እንደዚያው ሁሉ " ምን ላድርግ ? " ን ያላገኘ " ምን ሆኛለሁ ? " ን ቢያነበው እንደማይጎድልበት እናንተ ምስክር ናችሁ ። ቀጥሎ " ምን ላድርግ ? " ሲመጣ ግን ሙሉነቱን ይዞ " ምን ሆኛለሁ ? " ን ይበልጥ ሙሉ ያደርገዋል ። እናም " ምን ሆኛለሁ ? " እና " ምን ላድርግ ? " ሁለት ራሳቸውን የቻሉ መጻሕፍት ሆነው ፣ አንዱ ያለሌላው የሚቆም ነገር ግን አንዱ ሌላውን ይበልጥ ሙሉ የሚያደርጉ መጻሕፍት ይሆናሉ ።

የእናንተን ነጻ አስተያየት እንፈልጋለን ።
👉 በ " ምን ሆኛለሁ ? " ምን አገኛችሁ ? ምኑ ቀአዲሱ መጽሐፍም ይቀጥል ?
👉 " ምን ሆኛለሁ ? " ላይ ምን ጉድለት አገኛችሁበት ?
👉 ቀጣዩ መጽሐፍ ምን ላይ ቢመሰረት ( ርዕሰ ጉዳዩ ምን ቢሆን ) ትወዳላችሁ ?
👉 ቀጣዩ መጽሐፍ ከ " ምን ሆኛለሁ ? " አንጻር ምን እንዲያሟላ ትፈልጋላችሁ ?
👉 ከርዕሰ ጉዳዩም ውጭ ምን አሟልቶ ቢገኝ ትመርጣላችሁ ?
🔴 በአጠቃላይ አዲሱ መጽሐፍ ምን ቢኖረውና ባይኖረው እንደምትፈልጉ እንድትነግሩን በአክብሮት እንጠብቃለን ።

በማድረግ የተለመደ ትብብራችሁን አድርጉልን ።"
***
እኛ ደግሞ ለማንበብ ተዘጋጅተን እንጠብቃለን!

15/03/2026

07/03/2026

#2023 https://youtu.be/XPF6cPkJ6BEሁለት ወዶ(HULT WEDO) አዲስ አማርኛ ፊልም NEW AMHARIC MOVIE 2023https://youtu....

07/03/2026

#2023 https://youtu.be/XPF6cPkJ6BEሁለት ወዶ(HULT WEDO) አዲስ አማርኛ ፊልም NEW AMHARIC MOVIE 2023https://youtu....