Shebin sarcasm society

06/05/2026

أعلن الجهاز القومي لتنظيم الاتصالات عن تحريك أسعار خدمات الاتصالات (إنترنت ومكالمات) بنسبة تتراوح بين 9% إلى 15% شاملة الضرائب، وبدأ التطبيق الفعلي لهذه الزيادة اعتباراً من منتصف ليل الأربعاء 6 مايو 2026.
***الحقوا بقا خزنوا كروت فكه 😅
⭕ باقات جديدة
تم طرح باقات جديدة:

▪️ باقة إنترنت أرضي بسعر 150 جنيه بدلًا من 210 جنيه..

▪️ باقة محمول بسعر 5 جنيه بدلًا من 13 جنيه

⭕ إتاحة المواقع الحكومية والتعليمية مجانًا حتى بعد انتهاء الباقة على الإنترنت الأرضي والمحمول..

🔗 المصدر: بيان رسمي من جهاز تنظيم الاتصالات..

إليكم أسعار باقه الانترنت الجديده.
Shebin sarcasm society

04/05/2026

👌بعض مشاكل الأطفال وحلها

😡 المشكله : طفل عنيد
🙂 الحل : لا تعانده أثناء عناده فهو يطبق ما يري امنحه مزيدا من الحب والحضن .

😡 المشكلة : طفل كثير الحركة
🙂 الحل : اشغله بأنشطة حركية وليخفف من تناول السكريات لأنها تزيد من حيويته أعطه مسئوليات.

😡 المشكله : طفل لا يأكل جيدا
🙂 الحل : لا تغضبه أبدا حول تناوله للطعام إلي لعبه أو منافسة زين له الطعام بالفواكه الملونه .

😡 المشكله : طفل يكذب
🙂 الحل : أعطه الأمان فالطفل لا يكذب إلا إذا كان خائف وتحت ضغط التهديد أشعره بالأمان ثم عزز له قيمه الصدق .

😡 المشكله : طفل يتلفظ بألفاظ بذيئة
🙂 الحل : لا تصرخ عليه بل نبهه باللين وأخبره بأن نظافة اللسان من نظافة القلب وحاول معرفه المصدر .

😡 المشكله : طفلك يعاند ويبكي أثناء استيقاظه
🙂 الحل : امسح على رأسه بهدوء وناده بأحب اسماؤه وأقرأ أيه الكرسي بدل الصراخ .

😡 المشكلة : طفلك يتأتأ اثناء النطق
🙂 الحل : امدحه وأكثر من تشجيعه لا تضحك على ما يقول واعرضه على اخصائي نطق لتدريبه على الكلام وحل
المشكلة.

تابعونا ليصلكم كل جديد Shebin sarcasm society

03/05/2026

صورة الشهيد المصري بجنوب لبنان

اسلام الصياد شاب مصري من الدقهلية يعمل فى جنى الموز فى أحد المزارع يبلغ ٣٨ عاما ومتزوج ولديه بنتين
ويعمل فى لبنان منذ أكثر من ١٠ سنوات.
سقطت على اسلام قذي*فه وهو يعمل ونقل جثمانه إلى أحد المستشفيات فى لبنان فى انتظار وصوله لمصر.
اخر مرة اسلام زار مصر كانت من عام ونصف وغدا يعود وهو شهيد الغربة ولقمة العيش..
مات دون وطنه ودون أهله...
ربنا يرحمه ويغفر له ويسكنه فسيح جناته

03/05/2026

02/05/2026

لما ربنا يوسع عليك❤️
هات لوالدتك مرتبة جديدة حلوة تريح جمبها عليها وصلح لها الحمام والمطبخ اللي تآلف أو جدده وممكن تبيض لها الشقة كمان وتجددلها هدومها ومرة بطانية ومرة سجادة ومرة تصلح دولاب ومرة سرير
ولو بسط لك ربنا في رزقك أكتر اجبر خاطرك بخاطرها في شيء من دهب
وخلي بالك من والدك بنضارة غير القديمة دي وكل فترة اشتري شيء بيحبه وركز أكتر في اللي بيحبه ده والشيء اللي مش ممكن يطلبه
وراجع حتى غياراته وشراباته وكل ما تخلص إزازة ريحة العطر بتاعته فرحه بإزازة جديدة
أما دواؤه فأولى من الماء الذي تشربه♥️

متستناش تفقد حد منهم وتقول ياريتنى فرحتهم قبل الرحيل
هات على قد ظروفك ماتجهدش نفسك

هم أولى بكل جميل وجديد في الحياة لأنهم عانوا الحياة بكل معانيها
واعلم أن بعض الديون لا توفى 🤍ابوك وامك
♥️

28/04/2026

ابويا كان شغال ف شركه زمان وحكالي الموقف ده من اسبوع
بيقولي انه كان شغال من 8 ل 5 وبطبيعه شغله كان الاكل علي الشركه وهو مكنش بيحب اكلهم ف كان بيديه لاي حد ف اتعود علي بنت صغيره بقا يدي الاكل ليها مخصوص
ف بالصدفه عرف انها مسيىىحيه ف بقا يدي الاكل لاي حد تاني غيرها مع العلم انها كانت بتقعد تبصله بصه انها مستغربه هو اتغير ليه ابويا راجل ملتزم ف مش عارف هو عمل الصح ولا دي قسىاوه منه

27/04/2026

سنة كاملة والسقف بيقع علينا.. والجار "خارج نطاق الخدمة"! 🏗️💔
يا جماعة محتاجين رأيكم.. بقالنا سنة كاملة بنعاني من رشح مياه من الجار اللي فوق في (التجمع الثالث - المحلية الرابعة - المنطقة الثالثة)، والنتيجة زي ما أنتم شايفين في الصور: السقف وقع والحديد باين ومصدي!
السؤال هنا:
لما تحاول بكل الطرق الودية والجار يرفض يحل المشكلة أو حتى يراعي إن البيت ممكن يقع على اللي فيه، التصرف القانوني الصح إيه؟ وهل حد في التجمع مر بتجربة مشابهة وقدر يحلها عن طريق الجهاز أو المحضر؟
فيدونا الله يكرمكم، لأن الوضع مبقاش يحتمل السكوت انا بنت وعايشه مع والدتي كبيره في السن ومش عارف اعمله حاجه مع الناس دي تعبت..
#استغاثة #خطر

27/04/2026

أنا متجوز ومخلف بنت واللي اتجوزتها ديه كانت متجوزه قبل كده ومعاها بنت هي كمان وكان شرطها الاساسي ان بنتها تكون معاها وانا وافقت بقالي معاها دلوقتي 6 سنين لما اتجوزتها كانت بنتها عندها سنتين وكبرت معانا لدرجة ان البنت فاكراني ابوها لان ابوها متجوز وميعرفش عنهم حاجه وبتاخد نفقه بسيطه للبنت من البنك وده عملي ازمه كبيره معاها لانها عاوزاني اصرف عليها وانا وقت ما اتجوزتها كانت ظروفي كويسه وكنت بصرف ومش بقصر معاها بس دلوقتي الظروف اتغيرت وسبت شغلي واضطريت اشتغل شغل تاني المهم دلوقتي انا اوقات بتنرفز على البنت وبضىر.بها زي اي حد بيض.رب ولاده عشان يربيهم بس مره حصل مني ضىىر.ب لها وكان شديد شوية لانها وقعت الموبايل بتاعي على الارض وكان هيتكسر وانا محلتيش فلوس أجيب واحد تاني فضر...بتها بالحزام وكنت فاكر ان هي هتراعي ظروفي واللي انا فيه ومن ضيقتي واللي انا فيه خرجت عن شعوري بس هي فضلت تقولي انت جوز ام مفتري ونزلت عملتلي محضر لان البنت زودت عيار العيا.ط ووديتها المستشفى وعملتلي محضر هناك وطلبت الطلاق بس صالحتها وهي عشان ملهاش حد اتصالحنا بس صممت ان البنت انا مش هصرف عليها تاني وتروح توديها لابوها عشان نعرف نعيش في هدوء وفعلا راحتله بس هو أتهرب منها ومراته قالتلها ده مسافر ورجعت تاني بيها وانا مش عايز البنت دي معايا عشان مبوظه عيشتنا غير مصاريفها
هل انا ملزوم بالبنت دي وايه الحل في المشكلة دي ارجو الرد عليا بامانه وياريت بلاش تحيز لا معايا ولا معاها

26/04/2026

ياريت الرد من الرجاله فقط فيه بنت جارتىي على معرفه بيها معرفه شخىىصيه وبنتكلم واسرارنا كلها مع بعض من فترة صىد.متني وقالتلي أنها من حوالي سنه اقامت عىىلا...قه مع شخص ما وللأسف مبقتش بنت فانا من صىىدمتي مكنتش عارف اعمل ايه او اقول ايه ولكن تجنبتها نهىىائي ومبقاش كلامي معاها زي الأول نهائي
هي اتخطبت من اسبوع والشخص اللي خطبها محترم وغلبان جدا
هل المفروض الشخص ده يعرف ماضىىي البنت دي ولا استىر عليها وكأني معرفش حاجه وماليش دعوه

26/04/2026

بابا كلم خطيبي من 5 ايام وقاله تعال ولما خطيبي جيه بابا قاله خد صوره من القايمه اهي راجعها براحتك وابقي هات امك وأختك عشان تشوفوا كل حاجه مكتوبه وتستلم المهم خطيبي بعد ما مشي اتصل وقال لبابا الصيغه بتاعت القايمه دي غلط ومش همضي عليها
بابا قاله ازاي يعني يبني قاله انت عايز تحبسىني وراح اتكلم بأسلوب وحىش جدا وقاله مكتوب ان وقت الانفصال تاخد حاجاتي وحاجتها بابا قاله ايوه راح خطيبي قاله ده مش شرع ربنا يعني وفضل يتكلم كده كلام كثير وباعدين احنا جبنا الاجهزه الكهربائيه كلها وودتها الشقه وعملنا المطبخ كمان ومتعلق ف شقته خطيبي شارط علينا اول حاجه مش هيمضي إلا يوم كتب الكتاب
تاني حاجه الصيغه دي مش عايزها وبعت لبابا صيغه تانيه مكتوبه فيها ان وقت الانفصال ملهاش إلا الحاجه بتاعتها فقط دلوقتي مش عارفين نعمل ايه وهو مصمم ع رأيه
وبابا اتكلم معايا قالي يا بنتي أنا خايف عليكي منه ده كده ميعرفش ربنا لانه لو ف الشرع بقي انه هو يجيب كل حاجه
مش بعد ما تتجوزي يديكي حاجاتك انتي وبس يعني معلش واحد بيتجوز ببلاش ومفيش حاجه اسمها صيغه تتغير هي زيي ما بتتكب كده ويعلم ربنا ويشهد علينا مساعدين معاه ف كل حاجه
حتي الفرح احنا اللي هنجهزه عشان ظروفه وحشه
دلوقتي حاسه انه مش مستأمنا واتغير تماما بعد ما اتكلمنا علي موضوع القايمه وفاضل ع الفرح 20 يوم قولولي اعمل ايه

26/04/2026

مطلىقة بقالى 3 سنين وكنت رافعة قضىىية طلاق للضىرر بسبب الخلفة وكان السبب من طليقي بشهادة التقارير الطبية الحمد لله اتحكم ليا بالطىلاق واستلمت قايمتي بس كان ناقص منها حاجات قيمتها 70 ألف جنيه وهو وقتها وعد إنه هيسددهم بس قال إنه مش معاه المبلغ كامل علشان كده ماما وبابا مضوه على ايصىال أمانة بالمبلغ عشان أوقع على استلام القايمة ونقفل القضىىايا بشكل ودي المشكلة إنه اتىىوفى فجأة قبل مايسدد الفلوس
أهلي مصممين اني أطالب أهله بالفلوس واقولهم اني مش مسامىحه لكن انا مسامحاه ومش عايزه فلوس
اعمل ايه اسمع كلام اهلي ولا اعمل ايه