14/04/2026
انا ضد الاستهزاء والسخريه من اهالينا وناسنا اللي بيكونوا فالنوباريه يوم شم النسيم .. يوم بيخرجوا فيه يشموا هو ويغيروا جو وسط القرف والعك الموجود حاليا فحياتنا كلنا .. فبالتالي منبقاش احنا كمان بنتنمر عليهم ونتمسخر .. معلش عاوز اقول حاجه صغيره .. النوباريه مدينه بطابع قريه يعني مافيش فرق فالعادات والتقاليد في مدينه النوباريه عن باقي القري ..
لو عاوز تتريق وتتمسخر فانا عاوزك تتريق كمان علي الناس اللي بتقفل الشوارع بالفراشه والخشب وقت الفرح علشان مكان الطباخ والحنه ولزومه 🙂
عاوزك تتريق وتتمسخر علي المعيز والغنم اللي احيانا بترعي في شوارع النوباريه
عاوزك تتريق وتتمسخر علي السوق وتنظيمه ونظافته الخ الخ من التشابه والتقارب الرهيب بين القري والنوباريه .
فالنهايه هو يوم والناس دي مش بتبقي قاعده علي دماغنا او مكلفنا حاجه من جيبنا .. في اخطاء وتجاوزات بتحصل منه ؟
اه في بس حاجات بسيطه جدا وفرديه .
عاوزين نساع بعض ونتقبل بعض .. علشان لما حد مننا يروح الرحاب مثلا او مدينتي ميلاقيش حد يقوله دا فلاح من النوباريه 🙂
