04/06/2025
🌸 من قلبنا ليكم… شكرًا وتوضيح بسيط 🌸
إحنا في Luminelle دايمًا بنحاول نوفّر أعلى جودة في كل تفصيلة:
من اختيار المنتجات الطبية المحترمة، لأعلى درجات التعقيم، لأدق بروتوكولات البشرة والشعر… كل ده مع الحفاظ على أسعار مناسبة علشان كل حد نفسه يجرّب خدماتنا يقدر.
📍 لكن مؤخرًا واجهنا ضغط كبير وزحمة ملحوظة، وده كان بسبب عدم التزام بعض العملاء بمواعيدهم، وده للأسف خلى اليوم يمشي بشكل مش منظم وأثّر على تجربة ناس تانية، وده شيء أزعجنا جدًا لإن وقتكم غالي علينا زي ما وقتنا مهم.
📍 كمان بالرغم من تنبيهنا المستمر إن الأطفال غير مسموح بوجودهم في العيادة حرصًا على الهدوء والتركيز، للأسف في ناس جابت أطفالها، وده سبب فوضى وضغط ملناش ذنب فيه.
🧴 ولأننا بنحب دايمًا نعرّف الناس على جودة شغلنا، عملنا مؤخرًا جلسة بسيطة جدًا بسعر رمزي كنوع من التجربة للبرودكت والبروتوكول بتاعنا.
لكن للأسف، كانت دي الفئة اللي حصل منها أغلب التعليقات السلبية، لإنهم قارنوا بين الجلسة الرمزية دي وجلسات تانية في الكوافير بنفس السعر…
بس الفرق كبير جدًا! 👇
في الكوافير ممكن يتحط ماسكات تفتيح مجهولة المصدر، يتعمل بخار بشكل عشوائي يدي إشراقة ليومين ويدمر الجلد بعدها، وكل دا من غير أي تشخيص أو بروتوكول…
فالمقارنة هنا كانت ظالمة جدًا ومش عادلة إطلاقًا!
📌 ومع ذلك، إحنا ممتنين جدًا لأكتر من ٩٨٪ من الناس اللي بيزورونا وبيقدّروا مجهودنا وبيساعدونا نعدي فترات الزحمة بابتسامتهم واحترامهم للنظام. ❤️
🔒 وعلشان توصللكم الخدمة بأمان وجودة حقيقية:
إحنا طول السنة بنسيب فاصل ساعة بين كل جلسة والتانية للتعقيم الكامل للمكان، وده جزء ما بنتنازلش عنه مهما كان الضغط.
🎉 شكرًا لكل حد اختار Luminelle بعقله وقلبه.
🕒 رجاء مهم مننا ليكم:
الالتزام بالمواعيد ضرورة مش رفاهية، وحفاظًا على راحتكم وراحتنا، الأطفال غير مسموح بوجودهم داخل العيادة.
