Müli Werk

23/01/2022

Im 2021 han ich einigi wunderschöni Hochziite dörfe bluemig begleite. I die Farbkombi han ich mich ganz bsunders verliebt… wie gfalled eu die Flidertön mitem Bordeaux und Schwarz kombiniert? 💜🤩💫💜

15/11/2020

Ich freu mich immer riesig wenn ich vo mine Brutpaar Profi-Föteli überchume wo ich eu dörf zeige... 😍 Die wunderschöne Bilder händ mich letst Wuche erreicht.
..en Brutstruss isch nämlich immer erst den so richtig in Szene gsetzt, wennen d'Bruut i de Händ hebet.

De bsunderi Tag het d' Beka Bitterli mit Ihrere Kamera begleitet und debii sind so schöni Föteli entstande! 🥰 Ich finde me gspürt d'Emotione no richtig bim dureluege...

10/10/2020

💫 10.10.20 💫

Dä wunderschöni Brutstruss het hüt, a dem bsundere Datum, sin grosse Uftritt... Im Sertigtal bi Davos säget hüt zwei Herzensmänsche JA zunenand💗 ...ich wünsche eu alles Glück vo de Wält und en unvergässliche Tag mit eune Liebste!

17/08/2020

Brutstruss für e Berghochziit im Toggeburg ⛰🌿 ...mit passendem Astecker für de Brütigam. Mol ganz ohni Rose - defür en mix us Blueme wo perfekt zu üsere Bergwelt passt. Zwei devo sind sogar im Müli Werk gwachse... ☝🏻 wer findet use weli?

En grosse Wunsch vo mir isches eu i Zuekunft immer meh Blueme us eigetem Abau chönne aazbüte zum eui Aläss mit regionale Blueme chönne abzrunde. 💫

05/06/2020

Ich freu mich riesig eu ändlich mini Homepage chönne z‘zeige! 😀🎉 Ihr findet det villi Informatione rund um s‘Müli Werk, was ich mache und für was mis Herz schlaht💞 ..lueged doch mal drii 😉

🌸🌸🌸 http://www.xn--mli-werk-65a.ch/ 🌸🌸🌸..es wird leider nöd so schön aazeigt im Facebook 🙈 - a dem schaffi no 😉

I de nöchste Ziit wird ich au immer wieder mal en Bereich vo de Homepage chli gnauer vorstelle und es git auno paar zuesatz Info‘s über Facebook und Instagram 😉 ...bliibet also interessiert und liked mini Siite daser sicher nüt verpassed! 🤗

07/05/2020

I Erinnerige a grossi Fäscht schwelge...

Scho bald ischs es Jahr her sit ich de gross Tag vo dem Brutpaar mit em Bluemeschmuck ha dörfe abrunde. Ich ha mich vo Afang ah scho riesig uf die wunderschön Farbkombi gfreut! Wenn denn aber auno de Trauzügin ihres Chleid so perfekt zu de Blueme passt, hüpft mis Herzli amigs grad e Etage höcher 🥰💓

DANKE für de schön Uftrag 🤗💞

22/03/2020

Es brucht so unglaublich viel bis e Blueme sowiit isch zum verarbeite…
Leider werdet im Momänt unändlich vieli Blueme entsorgt ohni das si überhaupt scho nur id nöchi vom Handel cho sind! Me cha si nöd eifach id Pause schicke und nach de Epidemie wieder füre hole…

Für eini vo vielne Branche sehr e schwierigi Ziit.

Mir isches es grosses Alige, dass all die viele wunderschöne und einzigartige Bluemeläde die Kriise heil überstönd! Hälfed mit und understützed die chliine… Es git ganz viel Bluemeläde & Gärtnereie wo wiiterhin Lieferige und Abholservice aabüted. Egal wo - bstelled eu Pflanze für in Garte, Schnittblueme zum eues dihei z'verschönere oder au zum öpper anderem e Freud z'mache.

So retted ihr Pflanze und Schnittblueme wo scho sit Monate ufzoge worde sind und nur druf warted zum Freud id Wält z'bringe.

Ich freue mich, wenn nach dere Kriise wieder Hochziite, Events und bluemigi Fäst chönd stattfinde und bin denn gern wieder für eu da!

Hebed eu Sorg und bliibet gsund! 🍀🌸🍀

buy flowers, not toiletpaper. Help de sierteeltsector!

14/02/2020

All you need is love.....and Flowers! 🥰💐🥰

Jede Tag isch gmacht zum e bizli liebi wiiterzgä... 💗💫

12/12/2019

04/12/2019

Im September han ich das wunderschöne Hochziit dörfe bluemig begleite. I de Farbe vom Sunneundergang und mit ganz viel Altholz genau so wie ich's liebe! 🥰

Es isch eine vo dene traumhafte Herbsttäg gsi wo sich vo sine schönste Siite zeiget het. Am Vormittag mit ganz viel Sunneschiin und am spötere Nomittag isch den auno de Näbel ganz mystisch ufzoge. 😍

De Kircheschmuck han ich im Berggasthaus Oberdorf Wildhaus wieder dörfe i die schön Location integriere was eifach super zämepasst het. 👌

Es riese grosses DANKE as Bruutpaar für eues Vertraue! 💫🤗💫