07/07/2026
د خواخوږۍ پیغام
په ډېرې خواشینۍ سره مو خبر ترلاسه کړ چې د افغانستان د کرکټ ملي لوبډلې پخوانی اتل لوبغاړی، شاپور ځدراڼ، له دې فاني نړۍ سترګې پټې کړې.
د صافی المدینه سیاحتي او زیارتي شرکت مشرتابه د ارواښاد شاپور ځدراڼ مړینه د هغه درنې کورنۍ، د افغانستان کرکټ بورډ او د هېواد ټولو شریفو خلکو ته د زړه له کومې تسلیت او خواخوږي وړاندې کوي.
له لوی او مهربان الله تعالی څخه ارواښاد ته د مغفرت، جنت الفردوس او لوړو درجو، او د هغه کورنۍ، دوستانو او ټولو غمځپلو ته د جمیل صبر او زغم غوښتنه کوو.
ارواښاد شاپور ځدراڼ د نړیوال کرکټ په ډګرونو کې د افغانستان لپاره ارزښتناک خدمتونه ترسره کړل او د خپلو ویاړونو له لارې یې د هېواد نوم روښانه کړ. د هغه لاسته راوړنې به د ټولو افغانانو په زړونو کې د تل لپاره ژوندۍ او ویاړلې پاتې وي.
الله تعالی دې یې وبښي، جنت الفردوس دې یې په نصیب کړي، او یاد دې یې تلپاتې وي.
